باسقوسۋدىڭ ماقساتى – قازاقستان رەسپۋبليكاسىنداعى ءتىل ساياساتىن ىسكە اسىرۋدىڭ 2020-2025 جىلدارعا ارنالعان مەملەكەتتىك باعدارلاماسى اياسىندا مەملەكەتتىك ءتىلدىڭ قولدانىلۋ ءورىسىن كەڭەيتۋ جانە قازاق ءتىلىن وقىتۋ ادىستەمەسىن جەتىلدىرۋ, حالىقارالىق دەڭگەيدە ءتىلدى ۇيرەتۋ تاسىلدەرىن سارالاۋ, سونىمەن قاتار ءوزارا تاجىريبە الماسۋ ەكەن.
ءۇش كۇندىك سەمينار كەزىندە: ۇلىبريتانياداعى «Unicorn Language Sسhool» مەكتەبىنىڭ ديرەكتورى, اعىلشىن ءتىلىنىڭ وقىتۋشىسى سيم روبەرت, تۇركياداعى گازي ۋنيۆەرسيتەتى «Tömer» ءتىلدى ۇيرەتۋ ورتالىعىنىڭ ديرەكتورى, پروفەسسور نەزير تەمۋر, ماسكەۋ قالاسى يننوۆاتسيالىق-كوممۋنيكاتيۆتىك لينگۆيستيكا ورتالىعىنىڭ ديرەكتورى, پوليگلوت, سينحروندى اۋدارماشى دميتري پەتروۆ, باشقۇرت مەملەكەتتىك ۋنيۆەرسيتەتىنىڭ وقىتۋشىسى, ادىسكەر-مامان ريمما مينگازەتدينوۆا, سونداي-اق الماتى قالاسىنداعى سۇلەيمان دەميرەل اتىنداعى ۋنيۆەرسيتەت, نۇر-سۇلتان قالاسىنداعى نازارباەۆ زياتكەرلىك مەكتەبى, احمەت بايتۇرسىن ۇلى اتىنداعى ءبىلىم اكادەمياسىنىڭ ادىسكەرلەرى قاتىسىپ, ءوز تاجىريبەلەرىمەن ءبولىستى.
باشقۇرت مەملەكەتتىك ۋنيۆەرسيتەتى شەت تىلدەرى كافەدراسىنىڭ اعا وقىتۋشىسى ريمما فليۋروۆنا «اعىلشىن تىلىنەن قوسىمشا ءبىلىم بەرۋ باعدارلامالارىن جۇزەگە اسىرۋدا قولدانىلاتىن كوممۋنيكاتيۆتىك داعدىلاردى دامىتۋدىڭ ءتيىمدى ادىستەرى (Intermediate, Upper- Intermediate, Advanced دەڭگەيلەرى بويىنشا) جايلى بايانداما جاساسا, انكارا قالاسى گازي ۋنيۆەرسيتەتىنىڭ پروفەسسورى نەزير تەمۋر ء«تىل ۇيرەتۋدىڭ نەگىزگى پرينتسيپتەرى» تاقىرىبىندا ءسوز قوزعادى. پروفەسسور ءوز پرەزەنتاتسياسىن «نەنى ۇيرەتۋ, قالاي ۇيرەتۋ, قاشان ۇيرەتۋ؟» دەگەن قاراپايىم سۇراقتاردان باستاپ, كەز كەلگەن ادامنىڭ ءوز تابيعاتى بولاتىنى سياقتى ءتىلدىڭ دە ءوز تابيعاتى بولادى, بارلىق سۇراققا جاۋاپتى وسى ءتىل تابيعاتى اياسىنان ىزدەۋ كەرەك دەدى. تاجىريبەلى ءتىل مامانى سونىمەن قاتار شىنايى وقىتۋ مودەلىن قۇرۋ ارقىلى ءتىلدى ۇيرەتۋدىڭ تيىمدىلىگىنە نازار اۋداردى. ءتىلدى وقىتۋ بارىسىنداعى دۇرىس قۇرىلعان ستراتەگيا, وقىتۋشى مەن ءتىل ۇيرەنۋشىنىڭ پسيحولوگيالىق دايىندىعى, جۇيەلى ساباق, دۇرىس تاڭدالعان ادىستەمە وڭ ناتيجەگە جەتكىزەتىنىن باسا ايتتى.
سونداي-اق تاعى ءبىر شەتەلدىك مامان ۇلىبريتانيالىق «Unicorn Language Sسhool» مەكتەبىنىڭ ديرەكتورى روبەرت سيم ءوزىنىڭ ءتىلدى ۇيرەتىپ جۇرگەن ۇتىمدى ءادىس-تاسىلدەرىمەن ءبولىسىپ, قوعامدىق ورتاداعى ءتىلدىڭ باسىمدىلىعىنا قاراي ەكىنشى ءتىلدىڭ قولدانىلۋ اياسىنىڭ تارىلۋى جايلى ماسەلەگە توقتالدى.
ال وتاندىق ءتىل ماماندارى تاراپىنان پىكىر ايتقان نازارباەۆ زياتكەرلىك مەكتەبى «لينگۆيستيكالىق باعىتتاعى پاندەر» ءبولىمىنىڭ اعا مەنەدجەرى, فيلولوگيا عىلىمدارىنىڭ كانديداتى نۇرلىگۇل داۋلەتكەرەەۆا, Marry Sprat, Alan Pulverness, Melanie Williams جانە تاعى باسقا ادىسكەرلەردىڭ ەڭبەكتەرىندەگى ادىستەمەلىك يدەيالارى ارقىلى ءتىلدى ۇيرەتۋدىڭ تاجىريبەسىمەن بولىسسە, احمەت بايتۇرسىن ۇلى اتىنداعى ءبىلىم اكادەمياسىنىڭ ادىسكەرى سىمبات مۇحامەتجانوۆا «قازاق ءتىلى ساباعىندا جەتىستىككە جەتۋ جاعداياتىن تۋعىزۋ جولدارى» تاقىرىبىندا بايانداما جاساپ, ءتىل ۇيرەتۋ كەزىندە كومپيۋتەرلىك تەحنولوگيانى ۇتىمدى قولدانۋدىڭ ماڭىزدىلىعىنا توقتالدى.
مارتەبەلى جيىنعا وبلىستىق تىلدەردى دامىتۋ باسقارماسى جانە تىلدەردى وقىتۋ ورتالىقتارىنىڭ باسشىلارى, ادىسكەرلەر قاتىسىپ, ءتىل وقىتۋ ماسەلەسى بويىنشا كوكەيلەرىندە جۇرگەن سۇراقتارىنا تولىق جاۋاپ السا, سەمينارعا Zoom سەرۆيسى بويىنشا 300 وقىتۋشى اتسالىستى. فەيسبۋك جەلىسىندەگى «ONLINEda bol» پاراقشاسى ارقىلى ءبىر ساعات ىشىندە 150 مامان تىڭداپ ۇلگەردى.
جيىننىڭ جابىلۋ سالتاناتىندا ش. شاياحمەتوۆ اتىنداعى ء«تىل-قازىنا» ۇلتتىق عىلىمي-پراكتيكالىق ورتالىعىنىڭ باس ديرەكتورى الىبەك اسقار قورىتىندى ءسوز سويلەپ, بايانداما جاساعان شەتەلدىك جانە قازاقستاندىق ارىپتەستەرىنە ريزاشىلىعىن ءبىلدىرىپ, قاتىسۋشىلارعا ونلاين سەرتيفيكاتتار تاپسىردى.
