فرانتسيادا ورىن العان بۇل وقيعا ەستىگەن ادامعا جاعا ۇستاتتى. ءبىر اۆتوكولىكتىڭ ارتقى جاعىنداعى جۇك سالعىشتا جاتقان كىر-قوجالىق, ءوڭى قاشقان نارەستەنى اۆتومەحانيك ونىڭ ىشتەن ىڭىرسىعان داۋسىنا قاراي تاپقان. سوسىن دەرەۋ جەدەل جاردەم شاقىرعان. بۇل تۋرالى «كومسومولسكايا پراۆدا» جازدى.
اۋرۋحانادا دارىگەرلەر ۇزاق ۋاقىتتار بويى اۋاسى از, ىستىق, قاپاستاعى جۇك سالعىشتا جاتىپ كەلگەن جاسى بىرگە دە تولماعان ءسابيدىڭ دەنە قۇرىلىسىنىڭ دامۋى جاعىنان دا, پسيحولوگيالىق جاعىنان دا ارتتا قالىپ قويعانىن مالىمدەگەن.
كەيىن انىقتالعانى, بالانىڭ اكە-شەشەسى پورتۋگاليادان كەلگەندەر ەكەن. ولار ەش جەردە جۇمىس ىستەمەيدى, تەك جاردەماقىنىڭ ەسەبىنەن كۇن كورەدى. جاسى 45-تەگى اناسى بالانى ونىڭ بار ەكەنىنەن دە حابارى جوق اكەسىنەن جاسىرىپ, جۇك سالعىشتا ۇستاپ كەلگەن. ەرلى-زايىپتىلاردىڭ بۇدان بولەك تاعى ءۇش بالاسى بار كورىنەدى.
بۇل ءىستى تەكسەرگەن پروكۋرور ونىڭ «قانداي دا ءبىر قيالدىڭ شەگىنە» سىيمايتىنىن ايتىپ وتىر. ازىرگە جۇبايلار جۇبى ەشقايدا كەتىپ قالماۋ تۋرالى جازباشا ەسكەرتۋ الدى. ال سول ولارعا 10 جىلعا دەيىن تۇرمەدە وتىرۋ جازاسىن كەسۋى مۇمكىن.
قايرات قوجانازار.
