سوڭعى 11 جىلدا (2008 جىلدان 2019 جىلعا دەيىن) قۇرىلىس جۇمىستارىنىڭ كولەمى 2,5 ەسەگە (1,7 ترلن تەڭگەدەن 4,4 ترلن تەڭگەگە دەيىن) ۇلعايدى. قۇرىلىس سالاسىنىڭ ءوسۋ سەرپىنى "نۇرلى جەر", "نۇرلى جول" مەملەكەتتىك باعدارلامالارى, جۇمىسپەن قامتۋدىڭ جول كارتاسى, يدمب شەڭبەرىندە اۋقىمدى ينۆەستيتسيالارمەن, ءىرى الەۋمەتتىك-مادەني ءىس-شارالاردى ىسكە اسىرۋمەن نەگىزدەلگەن. قۇرىلىس سالاسىنىڭ قارقىندى دامۋىنىڭ ارقاسىندا قۇرىلىس ماتەريالدارى ءوندىرىسىنىڭ كولەمى 3,3 ەسەگە ارتتى.
قر يندۋستريا جانە ينفراقۇرىلىمدىق دامۋ مينيسترلىگى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى مارحابات جايىمبەتوۆتىڭ ايتۋىنشا, قۇرىلىستاعى قازاقستاندىق قامتۋ ۇلەسىن ارتتىرۋ ءۇشىن نورماتيۆتىك رەتتەۋ جۇرگىزىلۋدە. بۇگىنگى تاڭدا قاجەتتى قۇقىقتىق بازا قۇرىلدى, وندا بيۋدجەت قاراجاتى ەسەبىنەن قارجىلاندىرىلاتىن جوبالار بويىنشا قازاقستاندىق قۇرىلىس ماتەريالدارىن قولدانۋ مىندەتتەلگەن. بۇل جسق-عا سالىنعان وتاندىق ماتەريالداردى يمپورتتىق ماتەريالدارعا نەگىزسىز اۋىستىرۋدى ازايتادى, سونداي-اق قۇرىلىس جوبالارىندا جەرگىلىكتى قامتۋدى ساقتاۋ بويىنشا تەحنيكالىق قاداعالاۋ مەن تاپسىرىس بەرۋشىلەردىڭ جۇمىس تيىمدىلىگى مەن جاۋاپكەرشىلىگىن ارتتىرادى.
"قازىرگى ۋاقىتتا قولدانىستاعى نورماتيۆتىك قۇقىقتىق اكتىلەرگە قازاقستاندىق قامتۋ ۇلەسىن ارتتىرۋعا باعىتتالعان بىرقاتار وزگەرىستەر ەنگىزىلدى. تاپسىرىس بەرۋشىلەرگە جوبالاۋ تاپسىرماسىندا تاۋارلاردىڭ, جۇمىستاردىڭ, كورسەتىلەتىن قىزمەتتەردىڭ جانە ولاردى جەتكىزۋشىلەردىڭ دەرەكقورىنا ەنگىزىلگەن قازاقستاندىق ءوندىرىستىڭ قۇرىلىس ماتەريالدارىن, جابدىقتارىن, بۇيىمدارى مەن كونسترۋكتسيالارىن قولدانۋدى ەنگىزۋ مىندەتتەمەلەرى قاراستىرىلعان. بۇدان باسقا, نورماتيۆتىك قۇقىقتىق اكتىلەرگە مەردىگەرلەردى قازاقستاندىق مازمۇنداعى قۇرىلىس ماتەريالدارى مەن جابدىقتارىن قولدانۋعا, تاپسىرىس بەرۋشىلەردى پورتالدا جيىنتىق ۆەدوموست جاريالاۋعا, تاپسىرىس بەرۋشىلەردى قازاقستاندىق ءوندىرىستىڭ قۇرىلىس ماتەريالدارى مەن جابدىقتارىن قولدانۋ بويىنشا مەردىگەردى باقىلاۋدى جۇزەگە اسىرۋعا مىندەتتەيتىن وزگەرىستەر ەنگىزىلدى", دەپ حابارلادى مارحابات جايىمبەتوۆ.
سونىمەن قاتار, ول اتاپ وتكەندەي, قولدانىستاعى نورماتيۆتىك قۇقىقتىق اكتىلەردى جەتىلدىرۋ جۇمىستارى جالعاساتىن بولادى.
قۇرىلىس مەرزىمدەرىنىڭ كىدىرۋىنە جول بەرمەۋ ماقساتىندا نورماتيۆتىك قۇقىقتىق اكتىلەرگە وتاندىق قۇرىلىس ماتەريالدارىن جوبالاۋ-سمەتالىق قۇجاتتامادا (جسق) يمپورتتىق ماتەريالدارعا اۋىستىرۋ ءۇشىن تۇبەگەيلى نەگىزدەردى بەلگىلەۋ بولىگىندە تۇزەتۋلەر ەنگىزىلەدى.
وسىلايشا, اتالمىش تۇزەتۋلەر قابىلدانعاننان كەيىن قۇرىلىس ماتەريالدارىنىڭ جسق-عا اۋىستىرۋ, ەگەر ءوندىرىس كولەمى قازاقستاندىق ءوندىرىستىڭ قۇرىلىس ماتەريالدارىنىڭ قاجەتتى قاجەتتىلىگىن جاپپاسا, سونداي-اق جسق-عا سايكەس قۇندىق كورسەتكىشتەردەن اسپاي, تەحنيكالىق سيپاتتامالارعا سايكەس كەلگەن جاعدايدا, قازاقستاندىق ءوندىرىستىڭ قۇرىلىس ماتەريالدارىنىڭ ءوندىرىسى بولماعان نەمەسە توقتاتىلعان (جويىلعان) وندىرىستەر بولعان جاعدايدا مۇمكىن بولادى.
"QazIndustry" قازاقستاندىق يندۋستريا جانە ەكسپورت ورتالىعى" اق جەرگىلىكتى قامتۋدى دامىتۋ جانە مونيتورينگىلەۋ ديرەكتسياسىنىڭ باسشىسى قايرات جولدىباەۆتىڭ ايتۋىنشا, جۇرگىزىلىپ جاتقان كەشەندى جۇمىستىڭ قورىتىندىسى رەتىندە رەتتەلەتىن ساتىپ الۋلاردا ساتىپ الىنعان قۇرىلىس ماتەريالدارى مەن بۇيىمدارىنداعى جەرگىلىكتى قامتۋدىڭ ۇلەسى بۇگىندە وڭ سەرپىندى كورسەتىپ وتىر.
ماسەلەن, 2016 جىلى قۇرىلىس ءونىمىن ساتىپ الۋ سوماسى 64,3 ملرد تەڭگەنى, جەرگىلىكتى قامتۋ – 13,7 ملرد تەڭگەنى (21,4%), 2017 جىلى – 69,1 ملرد تەڭگەنى, جەرگىلىكتى قامتۋ – 15,5 ملرد تەڭگەنى (22,4%), 2018 جىلى – 116,8 ملرد تەڭگەنى, جەرگىلىكتى قامتۋ – 26,0 ملرد تەڭگەنى (22,3%), ال 2019 جىلى – 26,0 ملرد تەڭگەنى (22,3%) قۇرادى. جالپى, 2016 جىلدان باستاپ 2019 جىلعا دەيىنگى كەزەڭدە جەرگىلىكتى قامتۋ ۇلەسىنىڭ ءوسۋى 7,8%-دى كورسەتتى.
قۇرىلىس وبەكتىلەرىنىڭ ساپاسىن باقىلاۋدى كۇشەيتۋ جانە قۇرىلىس پروتسەستەرىنىڭ اشىقتىعىن قامتاماسىز ەتۋ شەڭبەرىندە "ە-قۇرىلىس" بىرىڭعاي اقپاراتتىق جۇيەسىن ەنگىزۋ بويىنشا جۇمىس جۇرگىزىلۋدە. بۇل قاجەتتى اتقارۋشىلىق تەحنيكالىق قۇجاتتاردى ودان ءارى تۇزەتۋ مۇمكىندىگىنسىز تىكەلەي جۇيەدە قالىپتاستىرۋ جولىمەن قاعاز قۇجات اينالىمىن ەداۋىر قىسقارتۋعا مۇمكىندىك بەرەدى. بۇل جۇيەنى ونەركاسىپتىك پايدالانۋعا ەنگىزۋ 2021 جىلدىڭ سوڭىنا قاراي جوسپارلانىپ وتىر. بۇگىنگى تاڭدا "ە-قۇرىلىس" باج اتريبۋتى بولىپ تابىلاتىن مەملەكەتتىك ساۋلەت-قۇرىلىس باقىلاۋ ورگاندارىنا تەحنيكالىق قاداعالاۋدىڭ اي سايىنعى ەسەپتەرىن بەرۋ ءراسىمى اۆتوماتتاندىرىلدى.
