"29 تامىزدا پارتيا ىشىندەگى سايلاۋدىڭ ءبىرىنشى كەزەڭى – كانديداتتاردى ۇسىنۋ جانە تىركەۋ اياقتالدى. پرايمەريزگە قاتىسۋعا 653 ادام ءوتىنىش بەردى, 645 ۇمىتكەر تىركەلدى. ولاردىڭ ىشىندە 12,7%, ياعني 82 كانديدات پارلامەنت ماجىلىسىنە, 20,5%, ياعني 132 كانديدات وبلىستىق ماسليحاتقا, 90,4%, ياعني 585 كانديدات قالالىق جانە اۋداندىق دەڭگەيلەرگە دەپۋتات بولۋعا ۇمىتكەر بولىپ وتىر.
تىركەلگەندەردىڭ ەڭ كوبى - پەتروپاۆل قالاسىندا (114 ادام), ودان كەيىنگى ورىنداردا ماعجان جۇماباەۆ (51 ادام) جانە تايىنشا (49 ادام) اۋداندارىندا بولدى. ءبىر دەپۋتاتتىق ورىنعا ەڭ كوپ ۇمىتكەر پەتروپاۆل قالاسىندا – 6 ادام, م. جۇماباەۆ اۋدانىندا – 4 ادام, قالعان 12 اۋداندا 3 ادامنان.
ازاماتتاردىڭ 67% (430) ءوزىن-ءوزى ۇسىنۋ قۇقىعىن پايدالاندى. باستاۋىش پارتيا ۇيىمدارىنان ەكى جۇزدەن استام كانديدات ۇسىنىلدى. ايەلدەر مەن جاستار جوعارى بەلسەندىلىك تانىتتى. ۇمىتكەرلەر اراسىندا 40%, ياعني 258 ايەل, 26,4% ياعني 170 ادام 35 جاسقا دەيىنگى جاستار.
كانديداتتاردىڭ ورتاشا جاسى - 44 جاس. 19 جاستاعى ەڭ جاس جانە 72 جاستاعى ەڭ ۇلعايعان ادام پەتروپاۆل قالاسىندا تىركەلدى. ۇمىتكەرلەر اراسىندا ءبىلىم جانە عىلىم سالاسىنىڭ وكىلدەرى 45,1%, ياعني 291 ادامدى قۇراپ, ەڭ كوبى بولىپ وتىر. شوب سالاسىنان - 12,6% (81 ادام), اۋىل شارۋاشىلىعى قىزمەتكەرلەرى-10,7% (69 ادام), 3,4% (22) ازاماتتىق سەكتور, باق, بلوگەرلەردەن ۇسىنىلعاندار", دەدى ءوزىنىڭ سوزىندە ءا.راحمەتوۆا.
كورىپ وتىرعانىمىزداي سولتۇستىكقازاقستاندىقتاردىڭ پرايمەريزگە قاتىسۋ بەلسەندىلىگى جوعارى بولعان. وسىنىڭ وزىنەن ادامداردىڭ بولاشاقتان ءۇمىتى زور دەپ ايتۋعا بولادى.
سولتۇستىك قازاقستان وبلىسى
