"Lotto Soudal" كلۋبى ساپىندا ونەر كورسەتەتىن جاسىل قۇرلىقتىڭ وكىلى 198 شاقىرىمدى قۇراعان قاشىقتىقتى 5 ساعات 17 مينۋت جانە 42 سەكۋندتا ءجۇرىپ ءوتتى. ەكىنشى جانە ءۇشىنشى ورىنداردى يرلانديالىق سەم بەننەتت ("Deceuninck - Quick Step") مەن يتاليالىق دجاكومو نيتستسولو ("NTT Pro Cycling") يەلەندى.
"استانا" كومانداسى مۇشەلەرى اراسىندا كانادالىق ۋگو ۋلە ەڭ ۇزدىك ناتيجەگە قول جەتكىزدى. ول 16 ورىندى يەلەندى. قازاقستاندىق ۆەلوشاباندوز الەكسەي لۋتسەنكو 17 ورىنعا تابان تىرەدى. وسى كورسەتكىشىنىڭ ارقاسىندا وتانداسىمىز ءوزىنىڭ جالپى ەسەپتەگى جاعدايىن ەداۋىر جاقسارتتى. بىردەن 10 ساتىعا جوعارىلاعان ول قازىرگى كەزدە 13 ورىندى ەنشىلەۋدە. لۋتسەنكو كوش باسىنداعى فرانتسيالىق جيۋليان الافيليپتەن نەبارى 17 سەكۋند قالىپ كەلەدى.
