"تۇتىنۋشىلارعا توقتاۋسىز, كەيدە جاۋاپسىز نەسيە بەرۋدى ءنورماتيۆتى تۇردە توقتاتۋ كەرەك. بۇل الەۋمەتتىك سالدارعا اكەلۋى مۇمكىن. ازاماتتاردىڭ ءتيىستى دەڭگەيدە قارجىلىق ساۋاتتىلىعىنىڭ ءتيىستى دەڭگەيدە بولماۋى ولارعا كرەديت ونىمدەرىن نەگىزسىز بەرۋگە سەبەپ بولماۋى كەرەك. بيىل مەنىڭ تاپسىرمام بويىنشا نورماتيۆتىك-قۇقىقتىق بازا وزگەرتىلدى. قارىز الۋشىنىڭ تولەم قابىلەتىنە تالاپ ايتارلىقتاي كۇشەيدى", - دەدى پرەزيدەنت.
ونىڭ ايتۋىنشا, حالىققا نەگىزسىز كرەديت بەرگەن ۇيىمداردىڭ جۇمىسى باقىلاۋعا الىنعان.
"قارجى ۇيىمدارىنىڭ جۇمىسىن مەملەكەت باقىلاۋعا الدى. بىراق قاۋىپ ءالى دە بار. اسىرەسە, داعدارىس كەزىندە حالىق تابىسى تومەندەدى. قارجى نارىعىن رەتتەۋ جانە دامىتۋ اگەنتتىگى, ۇلتتىق بانك كرەديت بەرەتىن ۇيىمداردىڭ جاۋاپكەرشىلىگىن ارتتىرۋ, ستاۆكانى تومەندەتۋ ءۇشىن قوسىمشا رەتتەۋ شارالارىن جۇرگىزۋ كەرەك", - دەدى قاسىم-جومارت توقاەۆ.
