رەسەي ءانشىسى سۆەتلانا تسىگانوۆا ماسكەۋ-چەليابى تراسساسىنىڭ بويىندا ءوزى جۇرگىزىپ كەلە جاتقان Chery كولىگىنىڭ تىزگىنىنە يە بولىپ الماي, سۇمدىق اپاتتىڭ ورىن الۋىنا اپارىپ سوقتىردى. سول قىرعىننىڭ كەزىندە ءوزى ءتىل ءتارتپايولىپ كەتتى. بۇل تۋرالى «نەزاۆيسيمايا گازەتا» حابارلادى.
الدىن-الا بولجام بويىنشا, ءانشى كولىگىمەن كەلە جاتىپ, كەنەت ءبىر كولىكتىڭ الدىنا ءتۇسىپ كەتپەكشى بولعان. سول كەزدە قارسى جولدىڭ بويىندا الدىنان جۇك كولىگى شىعا كەلگەن. ماشينە, البەتتە, قارسى كەلىپ قالعان اۋىر كولىككە بارىپ سوققان. وسى سوققى قارسى بەتتە كەلە جاتقان Volkswagen جانە Mitsubishi Galant كولىكتەرىنىڭ ۇشىپ كەتۋىنە تىكەلەي اسەر ەتكەن.
سوققىنىڭ قاتتى بولعانى سونداي, ماشينەنىڭ سىنىقتارى 150 مەتردىڭ اۋماعىنا دەيىن ۇشىپ بارعان. ال كولىكتىڭ مىجىلىپ كەتكەنى سونداي, ونىڭ ىشىندە ءتىپتى ادام وتىرعانى دا بايقالماعان.
قازىر اپات بولعان جەردە جەدەل ىزدەستىرۋ توبىنىڭ قىزمەتكەرلەرى جۇمىس جاساپ جاتىر. مىڭداعان انسۇيەر قاۋىمعا سۆەتلانا تالانتتى ءانشى رەتىندەتانىمال ەدى.
مۇرات ايتقوجا.
