دىنباسى – “جىل ادامى”

رەسپۋبليكالىق قوعامدىق-ساياسي “پرەزيدەنت جانە حالىق” گازەتى رەسپۋبليكالىق “ۋاقىت تاڭداۋى” - “ۆىبور ۆرەمەني” اگەنتتىگىمەن ءبىر­لەس­كەن جوباسى بويىنشا ناۋرىز مەرە­كەسى قارساڭىندا ءداستۇرلى جىل تاڭداۋ­لارىن ايقىنداعان ەدى. سول تاڭداۋ بويىنشا قازاقستان مۇسىل­مان­دارى ءدىني باسقارما­سىنىڭ ءتور­اعاسى, باس ءمۇفتي, شەيح ءابسات­تار قاجى دەربىسالى “جىل ادامى” دەپ تانىلدى. البەتتە, ءدىنباسىنىڭ “جىل ادامى” دەپ تانىلۋى تەكتەن-تەك ەمەس. مۇنى ونىڭ سوڭعى 10 جىلعى ءدىني باسقارما تىزگىنىن ۇستاعان جەمىستى قىزمەتىنە بەرىلگەن باعا دەۋگە بولادى. وسى مەرزىم ىشىندە مەشىتتەر 1402-دەن 2400-گە جەتتى. ءبىلىم جانە عىلىم مينيسترلىگى جۇيەسىندە ليتسەنزيامەن قىزمەت ەتەتىن ءبىر ۋنيۆەرسيتەت, ءبىر ينستيتۋت جانە 7 مەدرەسە اشىلدى; بارلىق مەشىتتەردە ءدىني باسقارمانىڭ ساراپتاۋىنان ءوتىپ, ءدىنباسىنىڭ بۇيرىعىن العان ءدىندارلار قىزمەت ەتۋدە; “يسلام جانە وركەنيەت” گازەتى 50 مىڭ تارالىممەن, “يمان” جۋر­نالى 10 000-نان استام تارالىم­مەن جارىق كورۋدە. ءدىني باسقارما ساراپتاۋىنان وتكەن كىتاپتار “كوك­­جيەك”, “حيكمەت”, “التىن قالام”, “اتامۇرا” جانە ت.ب. باسپالاردان شىعىپ, قالىڭ وقىرماندارىنىڭ قولىنا ءتيىپ وتىر. قادىر ءتۇنىن مەشىتتەردە جاماعاتتاردىڭ كوپتەپ قاتىسۋىمەن وتكىزۋ, سۇيىكتى پايعام­بارىمىز مۇحاممەدتىڭ (س.ع.س.) تۋعان كۇنى ءماۋلىتتى اي بويى تويلاۋ داستۇرگە اينالدى; قاريلاردىڭ جارىسى مەن رامازاننىڭ ءار كەشىندەگى تاراۋيح نامازىندا قۇراندى قاتىم ەتۋ جۇيەگە ءتۇستى. ال, وتكەن جىلى بۇعان قوسا تمد اۋماعىندا قمدب-نىڭ ۇيىمداس­تىرۋىمەن الماتىدا حانافي ءمازھابى­نىڭ نەگىزىن قالاۋشى نۇع­مان يبن ءسابيت, ياعني يمام اعزام ءابۋ حانيفانىڭ تۋىلعانىنا 1350 جىل تولۋىنا وراي تۇڭعىش رەت حالىقارالىق عىلىمي-تەوريالىق كونفەرەنتسيا ۇيىمداستىرىلىپ, تابىستى ءوتتى. تامىز ايىندا ءابۋ حانيفا اتىنداعى رەسپۋبليكالىق مەدرەسە ءوز ەسىگىن اشتى. قازاق تىلىندە “muftyat.kz” سايتى, ورىس تىلىندە ء“meshىt.kz” سايتى جۇمىس ىستەي باستادى. بۇل ەكى سايتقا دا كىرۋشىلەر كوبەيدى. اراسىندا شەتەلدىكتەر دە از ەمەس. ءدىني باسقارمانىڭ بىرقاتار وبلىستارداعى وكىلدىكتەرى جانىنان دا قازاق جانە ورىس تىلدەرىندە سايتتار ىسكە قوسىلدى. ءدىن ناسيحاتى بۇگىنگى ۋاقىت تالابىنا ساي وزىق تەحنيكا جەتىستىكتەرىن تيىسىنشە پاي­دالانىپ, جۇرگىزىلۋدە. ءتۇيىپ ايت­قاندا ءدىني باسقارمانىڭ قىزمەتى مۇنان 10 جىلعىمەن سالىستىرعاندا, جاياۋدىڭ قاسىنداعى اتتىلى كىسىدەي دەڭگەيگە كوتەرىلدى. مۇنى ەل مۇسىلمان­دارى مەن سىرت كوز دە بايقاپ, كورىپ-ءبىلىپ وتىر. ءدىنباسىنا “جىل ادامى” سەر­تي­في­كاتىن “پرەزيدەنت جانە حالىق” گازەتىنىڭ باس رەداكتورى مارات توقاشباەۆ (سۋرەتتە) تابىس ەتتى. “ەگەمەن-اقپارات”.