ء"بىر جەردە احۋال تۇراقتالسا, ەكىنشىسىندە ۆيرۋستىڭ جاڭا وشاقتارى پايدا بولدى. ۇكىمەت جىبەرىلگەن قاتەلىكتەردەن ساباق الىپ, جۇمىستى جەدەل جولعا قويا ءبىلدى. ەڭ باستىسى ءبىز ازاماتتاردان ەش نارسەنى جاسىرماي, ىندەتتەن قايتىس بولعاندار تۋرالى اقپاراتتىڭ بارلىعىن اشىق جاريالادىق. قانشالىقتى اششى بولسا دا, شىندىقتى ايتىپ وتىرمىز. بۇل كەيبىر مەملەكەتكە قاراعاندا قازاقستاننىڭ ۇتىمدى تۇسى. الايدا احۋالدىڭ جاقسارۋى بوساڭسۋعا سەبەپ بولماۋى ءتيىس. كۇرەس ءالى جالعاسۋدا. دۇنيەجۇزىلىك دەنساۋلىق ساقتاۋ ۇيىمىنىڭ بولجامى بويىنشا پاندەميانى جەڭۋ ءۇشىن كەم دەگەندە 2 جىل قاجەت. الداعى ايلاردا كۇش-جىگەرىمىزدى بارىنشا جۇمىلدىرا جۇمىس ىستەيتىن بولامىز. وسىعان دايىن بولۋىمىز كەرەك", - دەدى قاسىم-جومارت توقاەۆ.
پرەزيدەنت جولداۋىن رەسپۋبليكالىق تەلەارنالار تىكەلەي ەفير ارقىلى كورسەتىپ, راديوستانتسيالار تىكەلەي تولقىندا تاراتىپ جاتىر.
