رۋحانيات • 01 قىركۇيەك، 2020

نارتاي اقىننىڭ ۇزەڭگىسى

64 رەت كورسەتىلدى

كەزىندە ايگىلى اقىن ءاب­دىل­دا تاجىباەۆ «شارا­پاتى بۇكىل قاۋىمعا جە­تەتىن، بار­لىعىمىزدى جا­رىلقايتىن، جاراتاتىن سارقىلماس قا­زىنا» دەپ باعالاعان، سونىمەن قاتار بيىل تۋعانىنا 130 جىل تولىپ وتىرعان حالىق اقى­­نى ءارى كومپوزيتور نار­تاي بەكەجانوۆتىڭ ۇزەڭگىسى تۇركىستان قالا­سىن­داعى «ازى­رەت سۇلتان» مەم­لەكەتتىك تاري­حي-مادە­ني قورىق-مۋزەيى قو­رىندا تۇر.

جادىگەر جايلى مالىمەت جىبەرگەن قورىق-مۋزەيدىڭ قور ساقتاۋشىسى داۋلەتيار اديەۆتىڭ مالىمەتىنە قاراعاندا، بۇل بۇيىمدى 1999 جىلى تۇركىستان قالاسىنىڭ تۇرعىنى اكەلىپ تاپسىرعان ەكەن. ۇزەڭگى جەزدەن (لاتۋن) بىتەۋ قۇيىلعان، تابانى جالپاق. جالپى ولشەمى – 20ح12،9 سم. پوشىمى ءبىر-بىرىنە قۇي­ما­لاپ جالعاسقان ەكى بولىكتەن تۇرادى. ءبىرىنشى بولىگى قۇلاق دەپ اتالادى. قۇلاق ۇزەڭگىنىڭ جوعارعى بولىگى، ياعني ەرگە بىلعارى نەمەسە قايىس تارالعى (ۇزەڭگى باۋ) ارقىلى جالعاناتىن بولىگى. ۇزەڭگىنىڭ قۇلاعى ءتورتبۇرىش ءپىشىندى. بيىكتىگى – 3،5 سم، ۇزىندىعى – 5 سم. جادىگەردىڭ ەكىنشى بولىگى باسقىش نەمەسە تابان تىرەگىش دەپ اتالادى. ونىڭ تابان تىرەيتىن جالپاق بولىگىنىڭ كولەمى – 12 سم، ەنى – 5 سم. تابان تىرەيتىن جەرىنىڭ استىڭعى جاعى يرەكتەلىپ اسەمدەلگەن.

«1890 جىلى دۇنيەگە كەلگەن نارتاي اقىن 1954 جىلى دۇنيەدەن وزدى. حالقىنىڭ ساعىنىشىنا اينالعان نار تۇلعا اتامىز، اتاقتى اقىن نارتايدىڭ تابانى تيگەن جادىگەر اسىل پەرزەنتتەن قالعان ءبىر بەلگى» دەيدى قور ساقتاۋشى ازامات.

 

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار