ال كاسىپتىك-تەحنيكالىق ءبىلىم بەرەتىن مەكەمەلەردىڭ ىشىنەن قوستاناي پەداگوگيكالىق كوللەدجى وزىپ شىققان. اتالعان ءبىلىم وشاعىنا 34 ملن تەڭگەنىڭ سەرتيفيكاتى تابىس ەتىلدى. بيىل وبلىستا 300-گە جۋىق ۇستاز جوعارى ماراپاتقا يە بولدى. مىسالى, 7 مۇعالىم «ى.التىنسارين» توسبەلگىسىن كەۋدەسىنە تاقسا, 8 مۇعالىم ء«بىلىم بەرۋ ءىسىنىڭ قۇرمەتتى قىزمەتكەرى» بەلگىسىنە يە بولدى. مۇنىڭ سىرتىندا, ءبىلىم سالاسىندا تالماي ەڭبەك ەتىپ كەلە جاتقان جۇزدەگەن ۇستازعا ءبىلىم جانە عىلىم مينيسترلىگىنىڭ قۇرمەت گراموتاسى مەن العىس حاتى جانە وبلىس اكىمىنىڭ گراموتالارى تابىس ەتىلدى.
– جاڭا وقۋ جىلىنىڭ 1 توقسانىندا ءبىلىم بەرۋ نەگىزىنەن قاشىقتان ۇيىمداستىرىلادى. وبلىس مەكتەپتەرى ءۇشىن بۇل جاڭالىق ەمەس. وتكەن جىلى ءبىراز تاجىريبە جيناقتادىق. ايماقتىڭ ءبىلىم بەرۋ سالاسىن تسيفرلاندىرۋ باعىتىندا دا قىرۋار شارۋا تىندىرىلدى. ماسەلەن, سوڭعى ءۇش جىل ىشىندە وبلىس مەكتەپتەرىندە جالپى سوماسى 340 ملن تەڭگەگە 66 IT-سىنىپ جانە 32 روبوتتەحنيكا كابينەتى اشىلدى. بيىل جازعى ماۋسىمدا 1,4 ملرد تەڭگەگە 6 مىڭ كومپيۋتەر ساتىپ الدىق. بۇعان قوسا, 15 قىركۇيەككە دەيىن ۇكىمەتتىك رەزەرۆتەن بولىنگەن 2,4 ملرد تەڭگەگە 15 مىڭنان استام كومپيۋتەرلىك تەحنيكا ساتىپ الۋدى ويلاستىرىپ جاتىرمىز. سونداي-اق جاڭا وقۋ جىلىنا قاجەتتى وقۋ ماتەريالدارىن ساتىپ الۋعا شامامەن 1,2 ملرد تەڭگە جۇمسالدى, – دەدى ە.ايتماعامبەتوۆ.
قوستاناي وبلىسى
