وقيعا • 31 تامىز، 2020

ماسكەۋ ماڭىنداعى الابينودا قازاق اۋەندەرى شىرقالدى

17 رەت كورسەتىلدى

ورتالىق انسامبل ارتىستەرى «تانك بياتلونى» بايقاۋىنا قاتىسقان قازاقستاندىق جاۋىنگەرلەردى كونستيتۋتسيا كۇنىمەن قۇتتىقتادى. ولارعا الداعى سايىستاردا تابىس تىلەپ بىرقاتار تانىمال كومپوزيتسيالاردىورىندادى.

- ءبىز بارلىق ويىن قاتىسۋشىلارىن قارسى العانىمىزعا قۋانىشتىمىز. سايىستا ادال باسەكەلەستىك پەن جاقسى ونەر كورسەتۋلەرىنە، ەلدەرىمىز اراسىنداعى دوستىقتى نىعايتا تۇسۋلەرىنە تىلەكتەسپىز. وسىنداي ايتۋلى مەرەكەگە وراي ءبىزدىڭ كوماندامىزعا تانك بياتلونىندا ۇلكەن جەڭىستەر تىلەيمىز، - دەدى ءانسامبلدىڭ كوركەمدىك جەتەكشىسى اسەم شاريفۋللينا.

سونىمەن قاتار، انسامبل ارتىستەرى وزدەرىنىڭ ۆوكالدىق شەبەرلىكتەرىمەن ارميا حالىقارالىق ويىندارى وكىلدەرىنىڭ جۇرەگىنەن ورىن الدى. ولار حالىق اندەرى مەن قازاق فولكلورى اۋەندەرىن ورىنداعان تالانتتارىمىزدى جىلى قارسى الىپ، ءوز قوشەمەتتەرىن ءبىلدىردى.

-بۇگىن قازاقستاننان كەلگەن ارميا حالىقارالىق ويىندارىنىڭ قاتىسۋشىلارى مەن ولاردىڭ رەسەيدەگى شىعارماشىلىق ۇجىمى ءۇشىن ەرەكشە كۇن. مەن بارلىق قازاقستاندىقتاردى ەل كونستيتۋتسياسى كۇنىمەن قۇتتىقتايمىن. ءبىزدىڭ دوستىعىمىز ودان ءارى دە نىعايا بەرسىن، - دەدى رەسەي فەدەراتسياسى قورعانىس مينيسترلىگى مادەنيەت دەپارتامەنتىنىڭ ءبولىم باستىعى، ەڭبەك سىڭىرگەن مادەنيەت قىزمەتكەرى ولگا فاللەر.

- كونستيتۋتسيانىڭ 25 جىلدىق مەرەيتويى – ءبىزدىڭ مەملەكەت تاريحىنداعى ماڭىزدى كەزەڭ جانە ايتۋلى كۇن، وسىعان بايلانىستى ءبىز «تانك بياتلونى» سايىسىندا جەڭىسكە جەتۋ ءۇشىن بارىنشا كۇش سالامىز، - دەپ اتاپ ءوتتى ارميا حالىقارالىق ويىندارىنىڭ قازاقستاندىق قاتىسۋشىلارى.

ەستەرىڭىزگە سالا كەتەيىك، قازاقستان تانكىشىلەرى «تانك بياتلونى» سايىسى اياسىندا 2 قىركۇيەكتە جارتىلاي فينالدىق ەستافەتادا ونەر كورسەتەدى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار