ونىڭ اشىلۋ راسىمىنە قاتىسقان وبلىس اكىمى عالي ەسقاليەۆتىڭ اتاپ وتكەنىندەي, اتا زاڭنىڭ 30-بابىندا ازاماتتاردىڭ مەملەكەتتىك وقۋ ورىندارىندا تەگىن ورتا ءبىلىم الۋىنا كەپىلدىك بەرىلەتىنى كورسەتىلگەن. وسىعان وراي وڭىردە اۋقىمدى جۇمىستار اتقارىلۋدا.
مىسالى, بيىل 33 مەكتەپ كۇردەلى جوندەلىپ جاتسا, التى ءبىلىم عيماراتى جاڭادان سالىنۋدا. 6 مەكتەپتىڭ تورتەۋى مەملەكەت, ەكەۋى جەكە ينۆەستورلاردىڭ قاراجاتى ەسەبىنەن بوي كوتەرۋدە. ءۇش قاباتتى, 450 ورىندىق ەستەتيكالىق باعىتتاعى مەكتەپ- گيمنازيانىڭ عيماراتىن سالۋعا
«قپو ب.ۆ.» كومپانياسى 1,7 ملرد تەڭگە بولسە, قۇرىلىستى «ناۋرىز» كومپانياسى اتقاردى. بۇرىن مەكتەپ-گيمنازيا ەسكى بالاباقشا عيماراتىندا ورنالاسىپ, 500-دەن استام وقۋشى ءۇش اۋىسىمدا ءبىلىم العان ەدى. ەندى جاڭا ورىندا 850 شاكىرتتىڭ ەكى اۋىسىمدا وقۋىنا تولىق مۇمكىندىك جاسالعان. سونىڭ ىشىندە 140-تان استامى ءبىرىنشى سىنىپقا قابىلدانباقشى. مەكتەپ ديرەكتورى ءاليا قايىرجانوۆانىڭ سوزىنە قاراعاندا, 1-4 سىنىپ وقۋشىلارى ءبىلىم عيماراتىندا ساباق وقىپ, تاپسىرمالارىن ورىنداپ, ءۇش مەزگىل تاماق ءىشىپ, ۇيلەرىنە قايتا الادى. مۇندا ماتەماتيكا, بيولوگيا جانە گۋمانيتارلىق پاندەر تەرەڭدەتىلىپ وقىتىلادى. بيىل جەتى قازاق سىنىبى اشىلعان مەكتەپتە 77 مۇعالىم ءدارىس بەرسە, سونىڭ تەڭ جارتىسىنان استامى – جوعارى ساناتتى ۇستازدار.
قالالىق ءبىلىم بەرۋ ءبولىمىنىڭ باسشىسى اقجارقىن تەمىرحانوۆانىڭ ءمالىم ەتكەنىندەي, مەكتەپ «Stem» ءبىلىم بەرۋ جۇيەسى نەگىزىندە جۇمىس جاسايتىن بولادى. فيزيكا, ماتەماتيكا, حيميا, بيولوگيا كابينەتتەرى وسى زامانعى قۇرال-جابدىقتارمەن قامتىلسا, شاكىرتتەردىڭ قارىم- قابىلەتىن ارتتىرۋعا مۇمكىندىك بەرەتىن ءتۇرلى ۇيىرمەلەر دە بار.
