ول سول يگىلىك اۋىلىندا دۇنيەگە كەلىپ, كەزىندە جامبىل وبلىسىنىڭ سارىسۋ, جامبىل, مويىنقۇم اۋداندارىندا باسشىلىق قىزمەت اتقارعان تۇلعا. ەل ەسىندە ىسكەرلىگىمەن قالعان ازاماتتىڭ ەسكەرتكىشىنىڭ اشىلۋىنا بەلگىلى اقىن, قازاقستاننىڭ ەڭبەك سىڭىرگەن قايراتكەرى مارالتاي رايىمبەك ۇلى ۇيىتقى بولدى. ال تۋىندىنىڭ اۆتورى – تانىمال ءمۇسىنشى التاي بەيسەنوۆ.
جالپى, ەل ىشىندە ايتباي نازاربەكوۆتىڭ قىزمەتىنە ادال ازامات بولعانى ءجيى ايتىلادى. ول مويىنقۇم اۋدانىندا باسشىلىق قىزمەتتە بولعان كەزىندە داڭقتى شوپان جازىلبەك قۋانىشباەۆتىڭ سوتسياليستىك ەڭبەك ەرى اتانعانى دا بەلگىلى. ونىڭ دىنمۇحامەد قوناەۆ, عابيت مۇسىرەپوۆ, ءازىلحان نۇرشايىقوۆ, قادىر مىرزاليەۆ سياقتى قازاقتىڭ كورنەكتى تۇلعالارىمەن سىيلاس بولعانى جايلى دا عيبراتتى اڭگىمەلەر جەتەرلىك. قايراتكەر تۋرالى ولاردىڭ جازعان ەستەلىكتەرىندە دە كەزدەسەدى. ەسكەرتكىشتىڭ اشىلۋىنا جينالعان كوپشىلىك ايتباي نازاربەكوۆتىڭ قايراتكەرلىك قاسيەتىن, ازاماتتىق بولمىسىن ەسكە الدى. كوزكورگەندەر ەستەلىكتەرىمەن ءبولىستى. جيىنعا پارلامەنت ءماجىلىسىنىڭ دەپۋتاتى باقىتبەك سماعۇل ارنايى كەلىپ, ايتباي نازاربەكوۆتىڭ ادامگەرشىلىك قاسيەتتەرى تۋرالى اڭگىمەلەدى. سونداي-اق ول ەلباسى كەڭسەسىنىڭ باسشىسى ماحمۇت قاسىمبەكوۆتىڭ, پارلامەنت ءماجىلىسى توراعاسىنىڭ ورىنباسارى گۇلميرا يسيمباەۆانىڭ, سونىمەن قاتار ەلىمىزدىڭ مادەنيەت جانە سپورت ءمينيسترى اقتوتى رايىمقۇلوۆانىڭ قۇتتىقتاۋ حاتىن وقىپ بەردى. ال سارىسۋ اۋدانىنىڭ اكىمى باقىتجان جاقسىلىقوۆ, جامبىل وبلىستىق «اق جول» گازەتىنىڭ باس رەداكتورى ورالحان ءداۋىت, يگىلىك اۋىلىنىڭ تۇرعىنى التىن دوسجانوۆا جانە وزگە دە ازاماتتار ايتباي نازاربەكوۆتىڭ كىسىلىك كەلبەتىن, وشپەس ونەگەسىن اتاپ ءوتتى. سونداي-اق مارالتاي رايىمبەك ۇلى مۇنداي ازاماتتاردىڭ سارا جولى, دارا بولمىسى كەلەشەك ۇرپاققا ۇلگى ەكەنىن ايتا كەلىپ, ءوزىنىڭ «يگىلىك» ولەڭىن وقىپ بەردى. اۋدان ونەرپازدارى ءان شىرقاپ, اۋىل اسپانىن انگە بولەدى.
جامبىل وبلىسى
