كورمە وتكىزىلىپ وتىرعان مۋزەي تراۋلەر «دايگو فۋكۋريۋ-مارۋ» ەسىمىمەن اتالادى. ونىڭ ەكيپاجى 1954 جىلى 1 ناۋرىزدا بيكيني اتوللىندا امەريكاندىق «كاستل براۆو» سۋتەگى بومباسىن سىناۋ ناتيجەسىندە اۋىر رادياتسيالىق جاراقات العان بولاتىن.
مەرەيلى كۇنگە ورايلاستىرىلعان كورمە 5 قىركۇيەككە دەيىن سوزىلادى. كورمەنىڭ فوتوسۋرەتتەرىندە سەمەي پوليگونىنداعى سىناقتاردى وتكىزۋ تاريحى مەن ونىڭ بارىسى, سونداي-اق «نەۆادا-سەمەي» انتيادرولىق قوزعالىسى بەينەلەنگەن.
2016 جىلى قازاقستاننىڭ جاپونياداعى ەلشىلىگىنىڭ باستاماسىمەن مۇراجايدا تۇراقتى ەكسپوزيتسيا اشىلىپ, وندا قازاقستان رەسپۋبليكاسىنىڭ تۇڭعىش پرەزيدەنتى ن.نازارباەۆتىڭ سەمەي يادرولىق پوليگونىن جابۋ تۋرالى تاريحي شەشىمى تۋرالى تانىستىرىلعان.
جاپونيا پارلامەنتى وكىلدەر پالاتاسىنىڭ دەپۋتاتى, ەلدىڭ بۇرىنعى قورشاعان ورتانى قورعاۋ ءمينيسترى يوسياكي حارادا, سونداي-اق جاپونيا اتوم جانە سۋتەگى بومبالارى قۇرباندارى كونفەدەراتسياسىنىڭ توراعاسى تەرۋمي تاناكا يادرولىق سىناقتارعا قارسى حالىقارالىق ءىس-قيمىل كۇنىنە قاتىستى ءوز ويلارىمەن ءبولىستى. جاپوندىق دەپۋتات قازاقستاننىڭ يادرولىق قارۋسىزدانۋ ۇدەرىسىنە قوسقان ەرەكشە ۇلەسىن اتاپ ءوتتى. كونفەدەراتسيا توراعاسى قازاقستان رەسپۋبليكاسىنىڭ تۇڭعىش پرەزيدەنتى ن.نازارباەۆتىڭ جاھاندىق قاۋىپسىزدىكتى نىعايتۋداعى جانە يادروسىز الەم قۇرۋداعى جەتەكشى ءرولىن جوعارى باعالادى.
