30 جاستاعى ەر ادام پروباتسيا قىزمەتكەرىنە تارتىپتىك جاۋاپكەرشىلىككە تارتپاۋى جانە باس بوستاندىعىنان ايىرۋعا اۋىستىرۋ ءۇشىن ماتەريالداردى سوتقا جىبەرمەۋىن سۇراپ, 40 مىڭ تەڭگە پارا ۇسىنعان.
– تاراز قالالىق №2 پروباتسيا قىزمەتىنىڭ اعا ينسپەكتورى ايدوس تۇستىكباەۆقا پارا ۇسىنعان ازامات قولعا ءتۇستى. الدىن الا تەرگەۋ بارىسىندا ول ءوز كىناسىن تولىقتاي مويىندادى. قازىرگى تاڭدا وعان قاتىستى بۇلتارتپاۋ شاراسىن تاڭداۋ جانە قىلمىستىق ءىستى قىب تارتىبىندە اياقتاۋ تۋرالى ماسەلە شەشىلۋدە. ايتا كەتەيىك, الداعى ۋاقىتتا بۇل باعىتتا جۇمىستار ءوز جالعاسىن تابادى, – دەدى جامبىل وبلىسى بويىنشا قىلمىستىق-اتقارۋ جۇيەسى دەپارتامەنتى باستىعىنىڭ مىندەتىن اتقارۋشى بەكبولات ەسكەەۆ.
ەسكە سالا كەتەيىك, جامبىلدا ءبىر كۇن بۇرىن پروباتسيا قىزمەتكەرىنە 20 مىڭ تەڭگە كولەمىندە پارا ۇسىنعان ازاماتشا قۇرىقتالعان ەدى.
