كونستيتۋتسيا وسىدان 25 جىل بۇرىن الەمنىڭ وزىق ەلدەرىنىڭ كونستيتۋتسياسىنداعى قاجەتتى تالاپتار مەن نورمالاردى ۇلگى رەتىندە الىپ, ەلىمىزدىڭ وزىندىك ەرەكشەلىكتەرى ەسكەرىلە وتىرىپ قابىلدانعان بولاتىن.
ودان كەيىن كونستيتۋتسياعا زامان تالابىنا ساي بىرنەشە وزگەرىستەر ەنگىزىلدى. ول وزگەرىستەردىڭ بارلىعى ەلىمىزدە, جالپى الەمدە بولىپ جاتقان گەوساياسي, الەۋمەتتىك, ەكونوميكالىق وزگەرىستەرگە جاۋاپ رەتىندە ەنگىزىلگەن. اتالعان وزگەرىستەردىڭ نەگىزگى ماقساتتارىنىڭ بارلىعى – ەلىمىزدىڭ, حالقىمىزدىڭ, ازاماتتارىمىزدىڭ الەۋەتىن كوتەرۋ, ەلدىڭ ەكونوميكاسىن نىعايتۋ.
كەز كەلگەن زايىرلى, دەموكراتيالىق مەملەكەت ءوزىنىڭ اتا زاڭىنا سۇيەنىپ, حالىققا قاتىستى شەشىمدەر قابىلدايدى. شەشىمدەردىڭ ىسكە اسۋى ءۇشىن ولاردى زاڭدىق تۇرعىدا قامتاماسىز ەتۋ ماڭىزدى. ونسىز كوزدەگەن ماقساتقا جەتۋ مۇمكىن ەمەس.
سوندىقتان ەلباسىنىڭ جانە پرەزيدەنتتىڭ باستاماسىمەن ماڭىزدى ماسەلەلەر كوتەرىلىپ, ولاردىڭ بارلىعى پارلامەنت قابىرعاسىندا قارالىپ, الەۋەتتى زاڭ نورمالارىنا اينالىپ وتىرادى. سول سەبەپتى قولدانىستاعى زاڭناماعا ۋاقىت جانە قوعام تالابىنا ساي وزگەرىستەر ەنگىزىپ وتىرۋ قالىپتى قۇبىلىس.
مىنە, اتا زاڭىمىز بۇگىندە وسىنداي ماڭىزدى دا مازمۇندى وزگەرىستەرمەن بەكەمدەلگەن, شىڭدالعان نەگىزگى قۇقىقتىق قۇجاتىمىز رەتىندە قوعام ءومىرىنىڭ باعىت-باعدارىنا اينالىپ وتىر.
