جاڭا كونستيتۋتسيا قابىلداۋ تۋرالى باستامانى ەڭ الدىمەن ەلباسى نۇرسۇلتان ءابىش ۇلى نازارباەۆ كوتەردى. كونستيتۋتسيا جوباسى اۋقىمدى تالقىلاۋلاردان ءوتتى. ولارعا بىلىكتى زاڭگەرلەر قاتىسىپ, كوميسسيا قۇرىلىپ, جەرگىلىكتى جەرلەردە حالىقتىق تالقىلاۋلار ءوتىپ, باسىلىمداردا جاريالانىپ, كوپتەگەن وزگەرىس پەن تولىقتىرۋ ەنگىزىلگەن بولاتىن.
ارينە, مەملەكەت ءبىر ورنىندا تۇرا بەرمەيدى. وسىعان وراي نەگىزگى قۇقىقتىق قۇجات تا وزگەرىپ وتىرۋى مۇمكىن. ءبىزدىڭ اتا زاڭىمىزدا وسى جىلدار ىشىندە بىرقاتار ماڭىزدى وزگەرىستەرمەن تولىقتى.
مىسالى, قازىرگى پاندەميا كەزىندە دە ەكونوميكا, الەۋمەتتىك جاعدايعا بايلانىستى ۇلكەن وزگەرىستەر تۋىنداپ جاتىر. ءالى دە بولسا, كونستيتۋتسيالىق زاڭدارعا, زاڭدارعا وزگەرىستەر ەنگىزىلەدى دەپ ويلايمىن. قازىر الەمدىك ەكونوميكا قۇلدىراۋ كەزىندە, جالپى ىشكى ءونىم تومەندەۋدە, سوندىقتان بيلىك تارماقتارى تاراپىنان زاڭدارعا وزگەرىستەر ەنگىزۋ قاجەتتىلىگى تۋىنداۋى مۇمكىن. سەبەبى قازىرگى تاڭدا ەكونوميكانى تۇراقتاندىرۋ شارالارىن قابىلداۋ ءۇشىن, الەۋمەتتىك تۇرعىدا قورعالماعان توپتارعا, مۇگەدەكتەرگە, جاستارعا قولداۋ كورسەتۋ ءۇشىن قۇقىقتىق بازانى نىعايتۋ ماڭىزدى.
مىنە, وسى تۇرعىدان العاندا اتا زاڭىمىزدىڭ جانە وعان سۇيەنە وتىرىپ قابىلداناتىن زاڭداردىڭ قوعام ومىرىندەگى ماڭىزى زور ەكەنىن ايقىن تۇسىنەمىز.
