جاڭا تۇرعىن ءۇي كەشەنىندە 250 پاتەر بار. ولار تۇرعىن ءۇي قۇرىلىس جيناق بانكى سالىمشىلارى مەن كەزەكتە تۇرعاندار (حالىقتىڭ الەۋمەتتىك وسال توپتارى) اراسىندا بولىنەدى .
"بۇگىن بارلىعىمىز ءۇشىن ماڭىزدى كۇن. اتا زاڭىمىزدىڭ 25 جىلدىعى – كونستيتۋتسيا كۇنى قارساڭىندا ءوز پاتەرلەرىڭىزدىڭ كىلتىن الىپ جاتىرسىزدار. قۇرىلىس سالاسىندا قول جەتىمدى تۇرعىن ءۇي سالۋ وتە ماڭىزدى. ەلباسى قابىلداعان "نۇرلى جەر" مەملەكەتتىك باعدارلاماسىنا سايكەس جىل سايىن مىڭداعان وتباسى كوپتەن كۇتكەن باسپانالارىن الادى.
مەملەكەت باسشىسىنىڭ تاپسىرماسى بويىنشا بيىل قولجەتىمدى تۇرعىن ءۇي قۇرىلىسىنىڭ كولەمى ءۇش ەسە ءوستى, بۇل 8 مىڭنان استام پاتەر: ساتىپ الۋ قۇقىعىنسىز جالعا بەرىلەتىن تۇرعىن ءۇي جانە تۇرعىن ءۇي كەزەگىندە تۇرعان تۇرعىن ءۇي قۇرىلىس جيناق بانكىنىڭ سالىمشىلارى. پاتەرلەردى كەزەككە سايكەس ۇلەستىرەمىز. الەۋمەتتىك تۇرعىن ءۇي الەۋمەتتىك وسال ساناتقا ارنالعان, بۇل ەرەكشە قاجەتتىلىكتەرى بار بالالاردى تاربيەلەپ وتىرعان انالار, جەتىم بالالار, تولىق ەمەس وتباسىلار, زەينەتكەرلەر, ۇوس ارداگەرلەرى, كوپ بالالى وتباسىلار جانە ت.ب. كەلەسى اپتانىڭ سوڭىندا تاعى مىڭ الەۋمەتتىك پاتەردى تابىستايمىز.
سونىمەن قاتار ءبىز "قازاقستاندىق يپوتەكالىق كومپانيامەن" بىرگە قول جەتىمدى باسپانا الۋشىلار ساناتىن كەڭەيتتىك. وسى باعدارلاما بويىنشا الەۋمەتتىك قىزمەتكەرلەر, مەديتسينا قىزمەتكەرلەرى, مۇعالىمدەر, پوليتسەيلەر, مادەنيەت جانە سپورت قىزمەتكەرلەرى پاتەر الۋعا ءوتىنىش بەرە الادى. اپتاپ ىستىققا, جاڭبىر مەن ايازعا قاراماي جۇمىس جاسايتىن قۇرىلىسشىلارىمىزعا ەرەكشە العىس ايتامىز. ارقايسىڭىزعا اماندىق, دەنساۋلىق جانە تابىس تىلەيمىن. قونىس تويلارىڭىز قۇتتى بولسىن!", دەدى ەلوردا اكىمى التاي كولگىنوۆ.
"تۇرعىن ءۇي قۇرىلىس جيناق بانكى" اق باسقارما توراعاسى ءلاززات يبراگيموۆا بيىل سوڭعى 8 ايدا 5 مىڭ بانك سالىمشىسى ءوز ۇيلەرىن العانىن اتاپ ءوتتى.
"قونىس توي يەلەرىن قۇتتىقتايمىن. بەلسەندى ىنتىماقتاستىق ءۇشىن اكىمدىككە ريزاشىلىعىمدى بىلدىرە وتىرىپ, بارشاڭىزعا دەنساۋلىق پەن جاڭا ۇيلەرىڭىزگە باقىت تىلەيمىن", دەدى ل.يبراگيموۆا.
