"وتىنىشتەردىڭ باسىم كوبى مەديتسينالىق جانە الەۋمەتتىك كومەك كورسەتۋگە, سونداي-اق, ەڭبەك قاتىناستارى ماسەلەلەرىنە بايلانىستى بولىپ وتىر. قازىر قر سىبايلاس جەمقورلىققا قارسى ءىس-قيمىل اگەنتتىگىمەن ۇسىنىلعان سەرۆيستىك اكىمدىك فورماتىندا اتىراۋ قالاسى مەن اۋداندار اكىمدىگىندە فرونت-كەڭسە اشۋ ماسەلەسى قاراستىرىلىپ جاتىر", دەيدى جاندوس بولەكباەۆ.
وبلىس اكىمى ماحامبەت دوسمۇحامبەتوۆتىڭ پىكىرىنشە, ازاماتتاردىڭ شاعىمدارى مەن وتىنىشتەرىن جەدەل قاراۋعا, ولار كوتەرگەن ماسەلەلەردىڭ تەز ءارى وڭ شەشىلۋىنە نازار اۋدارىلىپ وتىر.
ء"بىزدىڭ جۇمىسىمىزدىڭ نەگىزگى ماقساتى – "حالىق ۇنىنە قۇلاق اساتىن اكىمدىك" قالىپتاستىرۋ. ءار ارىز-شاعىمنىڭ ارتىندا ازاماتتارىمىزدىڭ مۇڭ-مۇقتاجى مەن تاعدىرى تۇر. سوندىقتان, ءاربىر ماسەلەنىڭ ماڭىزدىلىعىن ەسكەرە وتىرىپ, تاپسىرمالاردى مەرزىمىندە, ساپالى ورىنداۋدى قامتاماسىز ەتۋىمىز قاجەت. بەرىلگەن تاپسىرما مۇلتىكسىز ورىندالۋى ءتيىس. تاپسىرمالاردىڭ ورىندالىسىنا ءبىرىنشى باسشى جاۋاپتى ەكەندىگىن قاتاڭ ەسكەرتەمىن", دەدى وبلىس اكىمى ماحامبەت دوسمۇحامبەتوۆ.
