"قۇقىق ءتارتىبى" جەدەل الدىن الۋ ءىس-شاراسىنا 247 پوليتسيا قىزمەتكەرى, ۇلتتىق ۇلاننىڭ 73 ساربازى جانە 76 اۆتوكولىك جۇمىلدىرىلدى. تىركەلگەن قىلمىستار سانى 14 بولسا, ءبىر تاۋلىكتە 11, بۇرىن جاسالعان 3 قىلمىس اشىلدى.
پوليتسەيلەر جۇرگىزگەن ءىس-شارانىڭ ەكى كۇنىندە 300-دەن استام اكىمشىلىك قۇقىق بۇزۋشىلىق انىقتالدى.
ونىڭ ىشىندە سپيرتتىك ىشىمدىك ءىشۋ نەمەسە قوعامدىق ورىندارعا ماس كۇيىندە كەلۋدىڭ 21 دەرەگى, ۇساق بۇزاقىلىق بويىنشا 13 فاكت انىقتالىپ, ءتيىستى شارالار كورىلدى. انىقتالعان قۇقىق بۇزۋشىلىق اراسىندا بەيمەزگىل ۋاقىتتا تىنىشتىقتى بۇزۋ, كامەلەتكە تولماعانداردىڭ تۇندە زاڭدى وكىلىنسىز ءجۇرۋى, قاۋىپسىزدىك بەلدىگىن تاقپاي اۆتوكولىك باسقارۋ, كولىك رۋلىنە ماس كۇيىندە وتىرۋ سەكىلدى دەرەكتەر بار.
شارا اياسىندا 21 ازامات ۋاقىتشا بەيىمدەۋ ورتالىعىنا جەتكىزىلدى. سونىمەن قاتار, قارۋدى زاڭسىز ساقتاۋدىڭ 11 دەرەگى تىركەلدى.
