- پوليتسيا قىزمەتكەرلەرى ءاردايىم ازاماتتاردىڭ زاڭدى قۇقىقتارىن قامتاماسىز ەتە وتىرىپ, قىلمىسپەن كۇرەستە الدىڭعى قاتاردا كەلەدى, - دەدى پوليتسيا پولكوۆنيگى.
شارا بارىسىندا «قوعامدىق ءتارتىپتى قامتاماسىز ەتۋگە قوسقان ۇلەسى ءۇشىن» مەدالىمەن پاترۋلدىك پوليتسيا ينسپەكتورى اعا سەرجانت نۇربەك ەسقابىل ماراپاتتالدى. پوليتسەي بيىل ارىپتەسىمەن بىرگە ورتتەن 76 جاستاعى زەينەتكەر مەن ءسابيدى قۇتقارعان. جانىپ جاتقان ۇيدەن بارلىعى 30-دان استام ادامدى امان الىپ شىققان.
«ىشكى 2-دارەجەلى وگانداردىڭ ۇزدىگى» توسبەلگىسىمەن كوشى-قون پوليتسياسى باسقارماسىنىڭ ەرەكشە تاپسىرمالار جونىندەگى اعا ينسپەكتورى پوليتسيا مايورى رابيعا مۇساباەۆا ماراپاتتالدى.
سونداي-اق, كريمينالدىق پوليتسيا باستىعىنىڭ ورىنباسارى يۋري پوليۋحوۆ پولكوۆنيك اتاعىن الدى. ول پوليتسيادا 23 جىلدان استام ۋاقىت قىزمەت ەتەدى. يۋري پوليۋحوۆ مەرزىمىنەن بۇرىن اسكەري اتاق الۋ ۇلكەن مارتەبە ەكەنىن اتاپ ءوتتى. بۇل مەنىڭ تالىمگەرلەرىمنىڭ, ۇجىمنىڭ ەڭبەگى دەپ سانايدى ول.
- بۇل كۇنى بارلىق ارىپتەستەرىمە قىزمەتتە تابىس تىلەيمىن. ءبىزدىڭ ارقايسىمىز قىزمەت بارىسىندا ءجۇرىپ ەل ءۇشىن ەرەن ەڭبەك ەتۋدىڭ ۇلكەن ابىروي ەكەنىنە ءبىر ءسات تە كۇماندانبادىق, - دەيدى پوليتسيا پولكوۆنيگى.
- كونستيتۋتسيا كۇنىن مەرەكەلەۋ قارساڭىندا بارلىعى 118 قوستانايلىق پوليتسەي ماراپاتتالدى, ونىڭ ىشىندە 23 قىزمەتكەر ىشكى ىستەر ءمينيسترىنىڭ اتىنان ماراپاتتالدى, - دەدى پد باستىعىنىڭ ورىنباسارى پوليتسيا پولكوۆنيگى ارداق ىنتىقباەۆ.
مەرەكە كۇنىنە وراي, پوليتسەيلەر بۇگىننەن باستاپ كۇشەيتىلگەن قىزمەت رەجىمىنە كوشتى.
قوستاناي وبلىسى
