"سوڭعى كەزدە كوكتەمگى كارانتين كەزىندە اقىسىز ەڭبەك دەمالىسىنا كەتۋگە ءماجبۇر بولعان ادامداردىڭ دا ستاتۋستان ايىرىلىپ قالعانى تۋرالى كوپ ايتىلىپ ءجۇر. كەشە ۇكىمەت وسىنداي ازاماتتارعا جەڭىلدىك بەرۋ تۋرالى شەشىم قابىلدادى. قور ولارعا اۆتوماتتى تۇردە ساقتاندىرۋ ستاتۋسىن بەردى", دەدى تىلەۋحان ابىلداەۆ.
وسىلايشا, ىندەت كەزىندە تابىسىنان ايىرىلعان ازاماتتار ءمامس پاكەتىندەگى قىزمەتتەردى تولىق پايدالانۋعا مۇمكىندىك الدى.
"ولار: سوڭعى 3 ايدا جوق دەگەندە ءبىر رەت جارنا تولەگەن, بەرەشەگى ەكى ايدان اسپايتىن جالدامالى جۇمىسشىلار, وعان قوسا سوڭعى 3 اي بويى قاتارىنان تولەم جاساعان, جارنا قارىزى ەكى ايدان اسپايتىن جەكە كاسىپكەرلەر, جەكە مەنشىك نوتاريۋستار, جەكە مەنشىك سوت ورىنداۋشىلارى, ادۆوكاتتار. مەملەكەت تاراپىنان ساقتاندىرىلعان, بىراق 42500 تەڭگە الۋ ءۇشىن بىرىڭعاي جيىنتىق تولەم تولەپ, ەڭبەك جانە حالىقتى الەۋمەتتىك قورعاۋ مينيسترلىگىنىڭ الەۋمەتتىك ستاتۋسى بار تۇرعىندار تىزىمىنەن شىعىپ قالعاندار دا وسى تىزىمدە", دەدى ول.
ەستەرىڭىزگە سالا كەتسەك, تۇرعىندار ساقتاندىرۋ جۇيەسىندەگى مارتەبەسىن تەلەگرامم جەلىسىندەگى بوت (Saqtandyrubot) ارقىلى, سونداي-اق, Qoldau 24/7 ءموبيلدى قوسىمشاسى مەن Egov ەلەكتروندى ۇكىمەت پورتالىنداعى جەكە كابينەت ارقىلى انىقتاي الادى.
