ۆيدەودا جاسوسپىرىمدەردىڭ كولىك نومىرلەرىن ۇرلاپ, ماقتانعانىن كورۋگە بولادى. روليك Instagram-داعى @kris_p_almaty پاراقشاسىندا جاريالاندى.
"ماس جاسوسپىرىمدەر كولىكتىڭ نومىرلەرىن ۇرلاپ, ونىڭ ۆيدەوسىن جەلىگە جۇكتەپ جاتىر. مۇنى جاريالاڭىزدارشى, جوعالعان ءنومىرىن بىرەۋ تاۋىپ قالار", - دەلىنگەن جازبادا.
"بۇل دەرەك بويىنشا مەدەۋ اۋداندىق پوليتسيا باسقارماسىنىڭ كريمينالدى پوليتسيا ءبولىمى ءتيىستى جۇمىس جۇرگىزىپ جاتىر. ولار ۆيدەوداعى جاستاردىڭ كىم ەكەنىن انىقتاپ جاتىر. ولاردان مىندەتتى تۇردە جاۋاپ الىنىپ, زاڭ بويىنشا جاۋاپكەرشىلىككە تارتىلادى.
سونىمەن قاتار, ۆيدەوداعى مەملەكەتتىك تىركەۋ نومىرلەرى كىمگە تيەسىلى ەكەنى انىقتالدى. ايتۋىنشا, ول كولىگىنىڭ ءنومىرىن 15 شىلدەدە جوعالتىپ العان. الايدا ۇرلىق دەرەگى بويىنشا پوليتسياعا ارىز بەرمەگەن", - دەيدى قالالىق پوليتسيا دەپارتامەنتىنىڭ ءباسپاسوز قىزمەتى.
