ايماقتار • 28 تامىز، 2020

قالا قۇرىلىسىنىڭ كودەكسى ازىرلەنبەك

17 رەت كورسەتىلدى

يندۋستريا جانە ينفراقۇرىلىمدىق دامۋ مينيسترلىگى "اتامەكەن" ۇلتتىق كاسىپكەرلەر پالاتاسىمەن بىرلەسىپ، قالا قۇرىلىسى كودەكسى جوباسىنىڭ تۇجىرىمداماسىن ازىرلەۋدىڭ ورىندىلىعىن انىقتاۋعا باعىتتالعان ساۋلەت، قالا قۇرىلىسى جانە قۇرىلىس سالاسىندا زەرتتەۋلەر جۇرگىزدى، دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ. 

زەرتتەۋ ناتيجەلەرى بويىنشا قالا قۇرىلىسى كودەكسى جوباسىنىڭ تۇجىرىمداماسىن ازىرلەۋدىڭ ورىندىلىعى تۋرالى ۇسىنىستار بەرىلدى

بۇل رەتتە، قالا قۇرىلىسى كودەكسىن ازىرلەۋ شەڭبەرىندە مەملەكەتتىك ورگانداردىڭ فۋنكتسيالارى تۇبەگەيلى قايتا قارالۋعا، زاڭنامانىڭ تۇراقتىلىعى مەن سالا سۋبەكتىلەرى تاراپىنان وعان دەگەن سەنىم ارتتىرىلۋعا ءتيىس.

سوندىقتان بۇل ماسەلە مامانداندىرىلعان عىلىمي-زەرتتەۋ ينستيتۋتتارىنىڭ ماماندارىن تارتا وتىرىپ، نەعۇرلىم مۇقيات زەردەلەۋدى، سونداي-اق بيۋدجەت قاراجاتىنىڭ جۇمسالۋىنا قارجىلىق تالداۋ جۇرگىزۋدى تالاپ ەتەدى.

ەستەرىڭىزگە سالا كەتەيىك، ساۋلەت، قالا قۇرىلىسى جانە قۇرىلىس سالاسىنداعى زاڭنامانى جەتىلدىرۋ جانە مەملەكەتتىك رەتتەۋدىڭ قولدانىستاعى تەتىكتەرى مەن ادىستەرىنىڭ قايشىلىقتارىن، كەمشىلىكتەرىن جويۋ قاجەتتىلىگى ماقساتىندا 2016 جىلعى 21 قىركۇيەكتەگى قازاقستان رەسپۋبليكاسى پرەزيدەنتىنىڭ جانىنداعى سىبايلاس جەمقورلىققا قارسى ءىس-قيمىل ماسەلەلەرى جونىندەگى كوميسسيانىڭ وتىرىسىندا مەملەكەتتىك ورگاندارعا "اتامەكەن" قر ۇكپ-مەن بىرلەسىپ قالا قۇرىلىسى كودەكسىن ازىرلەۋدىڭ ورىندىلىعى تۋرالى ماسەلەنى پىسىقتاۋ تاپسىرىلدى.

سوڭعى جاڭالىقتار

ۇقساس جاڭالىقتار