قالا اكىمدىگى پەداگوگتارعا قولداۋ كورسەتۋ جۇمىستارىن جالعاستىرۋدا. وتكەن جىلى الماتى اكىمىنىڭ تاپسىرماسى بويىنشا مۇعالىمدەر اراسىندا «ۇزدىك ۇستاز» جاڭا بايقاۋى جۇزەگە استى. سونىمەن قاتار 10 ۇزدىك پەداگوگقا گرانتتىق قولداۋ كورسەتۋ باعدارلاماسى قولعا الىندى. بۇل شارالاردىڭ قورىتىندىسى مۇعالىمدەر كۇنى قارساڭىندا شىعاتىن بولادى.
«بۇلاردان وزگە, جاس مامانداردى, ونىڭ ىشىندە مۇعالىمدەردى تۇرعىن ۇيمەن قامتاماسىز ەتۋ ماقساتىندا جەڭىلدەتىلگەن نەسيە بەرۋدىڭ «الماتى جاستارى 3.0» قالالىق باعدارلاماسى قابىلداندى. وسى باعدارلاما بويىنشا قازىردىڭ وزىندە 119 جاس مۇعالىم نەسيە الاتىن بولدى», - دەپ حابارلادى ب. ساعىنتاەۆ.
الماتى مەكتەپتەرىندە قىزمەتتەرىن باستاعان جاس مۇعالىمدەرگە ءبىر رەتتىك تولەم بەرۋ ءىسى ودان ءارى جالعاسۋدا.
فورۋم اياسىندا بىرقاتار مۇعالىمدەر مەملەكەتتىك ناگرادالارمەن, قۇرمەت گراموتالارىمەن, ونىڭ ىشىندە «ى. التىنسارين», ء«بىلىم بەرۋ ءىسىنىڭ قۇرمەتتى قىزمەتكەرى», «ەڭبەگى ءۇشىن» توسبەلگىلەرىمەن ماراپاتتالدى. الماتىداعى №178 ليتسەي ورتا ارنايى ءبىلىم بەرۋدىڭ ۇزدىك مەكەمەسى اتاندى.
فورۋمدا جاڭا جاعدايدا وقۋ پروتسەسستەرىن ۇيىمداستىرۋ ماسەلەسى تالقىلانۋدا. ونىڭ ىشىندە كەزەكشى توپتاردا سانيتارلىق قاۋىپسىزدىكتى قامتاماسىز ەتۋ, قاشىقتان وقۋدى ۇيىمداستىرۋ, پەداگوگتاردى جانە مۇقتاج وقۋشىلاردى كومپيۋتەرلىك تەحنيكامەن, ينتەرنەتپەن قامتاماسىز ەتۋ. سونىمەن قاتار, بالا باقشالار مەن مەكتەپتەردە ورىنمەن قامتاماسىز ەتۋدىڭ وزەكتى ماسەلەسى تالقىلانۋدا.
