قازاقستان • 27 تامىز، 2020

ۇكاشا اتا قۇدىعى

1442 رەت كورسەتىلدى

"ازىرەت سۇلتان" مەملەكەتتىك تاريحي-مادەني قورىق-مۋزەيىنىڭ ۇيىمداستىرۋىمەن ۇكاشا اتا كەسەنەسىنە زيرات ەتۋشىلەردى تازا اۋىز سۋمەن قانىمداۋ جانە نىسان ماڭىنداعى كوشەتتەر مەن گۇلدەردى سۋارىپ، كوگالداندىرۋ ءىسى ءوز شەشىمىن تاپتى. بۇل شارا دەمەۋشىلەر تاراپىنان قولداۋ تاۋىپ، كەسەنە جانىنان قۇنى 5 000 000 تەڭگەنى قۇرايتىن 40 مەترلىك ارتەزيان قۇدىعى قازىلدى. سونىمەن قاتار، قۇدىق ماڭىنا تاس توسەلىپ، اباتتاندىرۋ جۇمىستارى جۇرگىزىلدى، - دەيدى قورىق-مۋزەيدىڭ ءباسپاسوز قىزمەتى.

جاڭا قۇدىقتى قازىپ، پايداعا بەرگەن دەمەۋشى وڭعاربەك قاجى مەيىربەك ۇلى: «جاز مەزگىلىندە ۇكاشا اتا باسىنا كەلۋشى تازا سۋدان تاپشىلىق كورەتىن جانە ءتۇرلى جەمىس كوشەتتەرىن سۋارۋ، كوگالداندىرۋ ماسەلەسى قيىندىق تۋدىراتىن. جاسىل-جەلەكتەر ارنايى كولىكتەرمەن سۋ تاسىمالداۋ ارقىلى سۋارىلىپ كەلدى. وسى قيىنداقتى بولدىرماۋ ءۇشىن كەسەنە جانىنان ارتەزيان قۇدىعىن قازدىردىم» دەيدى.  

1

«ازىرەت سۇلتان» مەملەكەتتىك تاريحي-مادەني قورىق-مۋزەيىنە قاراستى رەسپۋبليكالىق ماڭىزى بار ەسكەرتكىشتەر قاتارىنا كىرەتىن ۇكاشا اتا كەسەنەسى قازىر جاڭارۋ ۇستىندە كورىنەدى. اتاپ ايتقاندا، نىسان ماڭىنداعى ورىندىقتار جاڭارتىلىپ، اۆتوتۇراققا ەلەكتر شامدارى تارتىلىپ، جارىقتاندىرىلۋمەن قاتار، زياراتشىلار دەمالاتىن ورىندار زامان تالابىنا ساي كوركەيتىلۋدە.

سونداي-اق، مۋزەيلەندىرۋ جۇمىستارى بويىنشا «ۇكاشا اتا تاريحى» جانە  ساحابانىڭ ومىرىنەن سىر شەرتەتىن قۇندى مالىمەتتەر مەن 70-تەن استام ارحەولوگيالىق، ەتنوگرافيالىق، جازبا مادەنيەتىنە قاتىستى جادىگەرلەر قويىلىپتى. زياراتشىلاردىڭ وتىنىشتەرىن قاناعاتتاندىرۋ ماقساتىندا، وتىن، سۋ قوياتىن ۇلكەن باستىرما جاسالىپ، حالىق يگىلىگىنە بەرىلسە، بابا باسىنا باراتىن جۇرگىنشى جولدارى قايتا جوندەلگەن كورىنەدى.

«بۇل جۇمىستار  «ازىرەت سۇلتان» مەملەكەتتىك تاريحي-مادەني قورىق-مۋزەيى» رمقك  قابىلداعان 2018-2021 جىلدارعان ارنالعان دامۋ جوسپارىنا سايكەس تاريحي ورىنداردى اباتتاندىرۋ، كەلگەن تۋريستەر مەن زياراتشىلارعا ساپالى قىزمەت كورسەتۋ بويىنشا بىرقاتار جۇمىستار دەمەۋشىلەردى تارتا وتىرىپ جۇزەگە اسۋدا» دەيدى قورىق-مۋزەيىنىڭ ديرەكتورى ن.احمەتجانوۆ مىرزا.

جاڭا قۇدىققا كوتەرىلەتىن جولعا مۇگەدەكتەرگە ارنالعان جولاق سالىپ، پاندۋس ورناتۋ دا نازاردان تىس قالماپتى. تازالىق جۇمىستارىنا بايلانىستى ارنايى قالدىق جاشىكتەر مەن ەسكەرتپە تاقتايشالاردا ورناتىلعان ەكەن.
كوكتەمدە  كەسەنە ماڭىنا 100-دەن استام ماۋە اعاشتارى مەن شىرشا تالدارى جانە گۇلدەر  وتىرعىزىلىپتى. تاريحي-كيەلى ورىنداردى اباتتاندىرۋ جانە مۋزەيلەندىرۋ جۇمىستارى الداعى ۋاقىتتا دا جالعاسىن تاباتىن بولادى، - دەيدى قورىق-مۋزەي اكىمشىلىگى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار