شاراعا ورفوگرافيالىق جۇمىس توبى مۇشەلەرى, ءبىلىم جانە عىلىم مينيسترلىگى عىلىم كوميتەتى توراعاسىنىڭ ورىنباسارلارى بولات كەڭەسوۆ پەن ازامات رىسجانوۆ جانە تاۋەلسىز ساراپشىلار قاتىستى.
مادەنيەت جانە سپورت ۆيتسە-ءمينيسترى, ورفوگرافيالىق جۇمىس توبىنىڭ توراعاسى ن.داۋەشوۆ جاڭا ءالىپبيدى ەنگىزۋ جانە وسىعان سايكەس ەملە ەرەجەلەرىن جاساۋ ماسەلەلەرى توڭىرەگىندە كىرىسپە ءسوز سويلەدى.
ا.بايتۇرسىن ۇلى اتىنداعى ءتىل ءبىلىمى ينستيتۋتىنىڭ ديرەكتورى, فيلولوگيا عىلىمدارىنىڭ كانديداتى ا.فازىلجانوۆا جاڭا ءالىپبي نەگىزىندە قازاق ءتىلىنىڭ ەملە ەرەجەلەرى جوباسىنا ورفوگرافيالىق توپ مۇشەلەرى مەن تاۋەلسىز ساراپشىلاردىڭ قورىتىندى ساراپتاماسى بويىنشا بايانداما جاسادى.
بايانداماشى جۇمىس توبى مۇشەلەرى جانە تاۋەلسىز ساراپشىلار تاراپىنان ايتىلعان سىن-پىكىرلەرگە عىلىمي تۇردە دايەكتى جاۋاپ بەرىپ, ورىندى ۇسىنىستاردىڭ ەسكەرىلەتىنىن اتاپ ءوتتى. ەملە ەرەجەلەرى مەيىلىنشە ەكشەلىپ, عالىمدار سۇزگىسىنەن سان مارتە وتكىزىلىپ وتىرعان سەبەبى – ونىڭ كوپشىلىك تۇتىنۋعا ىڭعايلى بولۋىن قاداعالاۋ ەكەنىن جەتكىزدى.
باسقوسۋ بارىسىندا ورفوگرافيالىق جۇمىس توبى مۇشەلەرى جانە تاۋەلسىز ساراپشىلاردىڭ ەملە ەرەجەلەرى بويىنشا بەرگەن ۇسىنىس-پىكىرلەرى كەڭ تۇردە تالقىلانىپ, ەملە ەرەجەلەر بويىنشا ايتىلعان ۇسىنىستار مەن پىكىرلەردى ەسكەرۋ جانە لاتىننەگىزدى ءالىپبي بويىنشا پەرنە-تاقتا جوباسىن ءالى دە پىسىقتاۋ قاجەت دەگەن شەشىم قابىلداندى.
