بۇگىنگى كۇنى الاتاۋ اۋدانىنداعى "سامعاۋ" مەن "اقبۇلاق" ىقشام اۋدانىندا, مەدەۋ اۋدانىنا قاراستى "دۋماندا", سونداي-اق المالى اۋدانىنداعى ارەنسكي كوشەسىندە (25-30 ءۇي) سۋمەن جابدىقتاۋ جانە سۋ بۇرۋدىڭ ينجەنەرلىك جەلىلەرىن جۇرگىزۋ بويىنشا جۇمىستار اياقتالدى. قازىر جەلىدە سۋدى ىسكە قوسۋ پروتسەسى ءجۇرىپ جاتىر (سىعىمداۋ, كەسۋ). تۇتىنۋشىلار "الماتى سۋ" مەكەمەسىمەن شارت جاساسىپ, جەلىلەرگە قوسىلۋى قاجەت.
جىل سوڭىنا دەيىن الاتاۋ اۋدانىنداعى "شاپاعات", "العاباس", "وجەت" ىقش.-دا, بوستاندىق اۋدانىنا تيەسىلى "كوكشوقى", مەدەۋ اۋدانى بويىنشا «كولساي», تۇركسىبكە قاراستى "قايرات" جانە جەتىسۋ اۋدانىنداعى "كەمەل" ىقش.-نى مەن قازىباەۆ كوشەسىندە (1 مىڭ ءۇي) سۋمەن جابدىقتاۋ جانە سۋ بۇرۋ بويىنشا ينجەنەرلىك جەلىلەردىڭ قۇرىلىسىن اياقتاۋ جوسپارلانۋدا. بۇلاردان وزگە, جىل سوڭىنا دەيىن الاتاۋ اۋدانىنداعى توميريس, شاڭىراق-2, ۇلجان-1 ىقشاماۋداندارىندا كارىزدىك سورعى ستانسالارىن (كسس) سالۋدى اياقتاۋ جوسپارلانعان.
وسىلايشا, الماتى تۇرعىندارىن سۋمەن قامتۋدىڭ ورتالىقتانعان جۇيەسىنە قوسۋ 98%-دى نەمەسە شامامەن 1 878 500 ادامدى قۇرايتىن بولادى.
