قالا اكىمى ب. ساعىنتاەۆ "الماتى" تا-نىڭ Akimat Live باعدارلاماسىنىڭ تىكەلەي ەفيرىندە مەدەۋ اۋدانىندا اعاشتاردى زاڭسىز كەسۋ فاكتىلەرىنە جۇرگىزىلگەن تەكسەرۋدىڭ ناتيجەسى تۋرالى حابارلادى.
بىرنەشە ادام يەلىك ەتەتىن اۋماقتا جاسىل جەلەكتەردى زاڭسىز كەسۋ انىقتالعان. ولاردىڭ بىرەۋى بەلگىلى بولدى جانە وعان قر اق كودەكسىنىڭ 386 بابى بويىنشا 117 جاسىل جەلەكتى زاڭسىز كەسكەنى ءۇشىن 15 اەك (41 670 تەڭگە) ايىپپۇل سالىندى. سونىمەن قاتار, اباتتاندىرۋ ەرەجەلەرىن بۇزعانى ءۇشىن ول 50 اەك (138 900 تەڭگە) كولەمىندە ايىپپۇل تولەيتىن بولدى.
ون ەسە وتەمدىك وتىرعىزۋ (1170 مىڭ اعاش) بەلگىلەندى. سونىمەن قاتار, قويىلاتىن تالاپتارعا سايكەس جاپىراق سۇرىپتى اعاشتىڭ بيىكتىگى جەر بەتىنەن كەمىندە 3 م بيىك بولۋى ءتيىس. بۇدان وزگە, ەكى جىل قاتارىنان ول اعاشتاردى كۇتىپ-باپتاۋى قاجەت. وتەمدىك وتىرعىزۋ كۇز مەزگىلىندە ورتا مەكتەپتەردىڭ جانىنا جانە كوشەلەر بويىنا اعاش وتىرعىزۋمەن باستالادى. قۋراعان اعاشتاردىڭ ورنىنا جاڭالارى وتىرعىزىلادى.
اعاشتى زاڭسىز كەسكەن اداممەن حاتتامانى تولتىرعان كەزدە وتەمدىك وتىرعىزۋ جانە جاسىل جەلەككە ەكى جىل قاتارىنان كۇتىم جاساۋ تۋرالى بەلگىلى ءبىر ۇيىممەن كەپىلدەمە جاسالادى جانە كەپىل حات بەرىلەدى.
جاسىل جەلەكتى زاڭسىز كەسكەن جەر تەلىمدەرىنىڭ يەلەرى انىقتالۋدا.
"اعاشتى زاڭسىز كەسۋ جانە جاسىل جەلەككە زيان كەلتىرەتىن پروبلەمانى جۇرتشىلىقتى كەڭىنەن تارتا وتىرىپ شەشەتىن بولامىز", دەپ اتاپ ءوتتى ب.ساعىنتاەۆ.
اعاشتاردى زاڭسىز كەسكەندەردى, ولاردىڭ تۇبىنە, دىڭگەگىنە زيان كەلتىرگەندەردى انىقتايتىن "جاسىل باقىلاۋ" جوباسى قولعا الىنادى جانە زاڭسىز ارەكەتتەرگە مونيتورينگ جۇرگىزىلەدى.
