"باقىتتى وتباسى" ورتالىعىندا كوپبالالى انالار جاڭا كاسىپ ءتۇرىن يگەرىپ, قولجەتىمدى گرانتتاردىڭ ارقاسىندا ءوز بيزنەسىن اشا الاتىن مۇمكىندىككە يە. بۇل دۇكەن — ءونىمدى بارلىعى بىردەي تۇتىنۋ ءۇشىن وتكىزۋگە مۇمكىندىك بەرەدى.
ايتا كەتۋ كەرەك, بارلىق ءونىم "ىسكەر انا" وقۋ ورتالىعىندا دايىندالادى. ول "باقىتتى وتباسى" ورتالىعى بازاسىندا جۇمىس ىستەيدى. ورتالىقتا تىگىن جانە كيىز شەبەرحانالارى بار. ليۋنەۆيل كەستەلەرى, قۇراك-كورپە, توقىما, ۇلتتىق كيىم تىگۋ بويىنشا وقىتۋ كۋرستارى وتكىزىلەدى. اعىمداعى جىلدىڭ تامىز ايىندا, عيماراتقا جوندەۋ جۇمىستارى جۇرگىزىلدى. جاڭا جابدىقتار ورناتىلىپ, تەحنيكالىق جابدىقتاۋ كەڭەيتىلدى.
ەستەرىڭىزگە سالا كەتەيىك, "ىسكەر انا" وقۋ ورتالىعىندا كوپبالالى جانە از قامتىلعان وتباسىلاردىڭ انالارى, مۇمكىندىگى شەكتەۋلى ايەلدەر بيزنەس جانە ماركەتينگ بويىنشا وقىتۋ كۋرستارىنان وتۋدە.
وسى جىلى الماتىدا "ەڭبەك" ناتيجەلى جۇمىسپەن قامتۋ باعدارلاماسىن ىسكە اسىرۋ اياسىندا, 117 كوپبالالى جانە 574 از قامتىلعان انالارعا ءوز بيزنەسىن اشۋ جانە بيزنەس-يدەيالاردى ىسكە اسىرۋ ءۇشىن 200 اەك-كە دەيىن گرانتتار بەرىلدى.
دۇكەن — ءسۇيىنباي داڭعىلى, 263-ءۇي مەكەنجايىندا, ىڭعايلى كولىك لوگيستيكاسى بار, جالپىعا قولجەتىمدى جەردە ورنالاسقان.
