ەلوردا • 26 تامىز، 2020

نۇر-سۇلتاندا جايلى قوعامدىق ورىندارعا سۇرانىس ارتتى

14 رەت كورسەتىلدى

كارانتين شارالارى ەنگىزىلگەننەن كەيىن نۇر-سۇلتاندا جايلى قوعامدىق ورىندارعا سۇرانىس ارتتى. تۇرعىندار تازا اۋادا سەرۋەندەۋگە كوبىرەك ءمان بەرە باستادى، - دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.

كوكتەمنەن باستاپ ەلوردا اكىمدىگى اۋلالاردى، ساياباقتاردى، سكۆەرلەر مەن بۋلۆارلاردى اباتتاندىرۋ بويىنشا اۋقىمدى جۇمىستار جۇرگىزىپ كەلەدى. جۇمىستار قالانىڭ ەسكى بولىگىنە باسا نازار اۋدارا وتىرىپ، ەلوردانىڭ بارلىق اۋداندارىندا جۇزەگە اسۋدا. بايقوڭىر اۋدانىندا اباتتاندىرىلعان اۋلالار سانى – 50، سارىارقادا – 40، الماتىدا – 33، ەسىل اۋدانىندا 20-دان استام.

"بۇل جەر قاراۋسىز، بوس جاتقان. ءبىز ودان اينالىپ وتەتىنبىز. قازىر ءبىزدىڭ جەكە شاعىن ساياباعىمىز بار. بالالارعا ۇنايدى. اعاشتار وتىرعىزىلدى. ءبىز ريزامىز، ويتكەنى بالالار وتە قۋانىشتى. ەندى مۇندا جايلى ۋاقىت وتكىزۋگە بولادى. پاندەميانى ەسكەرسەك، دەنساۋلىعىمىزعا كوبىرەك ۋاقىت ءبولۋ ماڭىزدى. دەمەك، اشىق اۋادا سپورتپەن شۇعىلدانۋ كەرەك. مۇندا فيتنەس ايماعى دا بار، بالالار فۋتبول ويناي الادى"، – دەيدى ءوندىرىس (لەسوزاۆود) تۇرعىن الابىنىڭ تۇرعىنى تىلەۋلەس جاڭابايقىزى ءوز اسەرىمەن ءبولىسىپ.

"اۋلا ەرەسەكتەر ءۇشىن دە، بالالار ءۇشىن دە، دەمالىس، سپورت، سەرۋەندەۋ ءۇشىن دە وتە قولايلى. بۇرىن بۇل جەر قاراۋسىز قالعان بولاتىن. بۇگىندە ول زامان تالابىنا ساي تاماشا دەمالىس ورنى جانە وسى كوشە تۇرعىندارى كوڭىل كوتەرەتىن ورىنعا اينالدى"، – دەيدى نۇر-سۇلتان تۇرعىنى قازبەك بيقاداموۆ (الماتى اۋدانى).

ەستەرىڭىزگە سالا كەتەيىك، بيىل ەلوردادا 150 اۋلا مەن 50 قوعامدىق ورىن (ساياباقتار، سكۆەرلەر، بۋلۆارلار) اباتتاندىرىلادى. ماسەلەن، وسى جازدا تۇڭعىش رەت كوپىر استىنداعى دەمالىس ايماعى (سارايشىق كوشەسى، ارقار كوپىرى) اباتتاندىرىلدى. جاڭا كەڭىستىك ترياتلون مەن پرەزيدەنت ساياباقتارىن بىرىكتىرەدى.

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار