وسىلايشا, رومان سكليار ونەركاسىپتىك كووپەراتسيا جانە فارميندۋستريا سالاسىنداعى ىنتىماقتاستىق ماسەلەلەرى بويىنشا رف ونەركاسىپ جانە ساۋدا ءمينيسترى دەنيس مانتۋروۆپەن تالقىلاۋ وتكىزدى. تاراپتار قازاقستان مەن رەسەي اراسىنداعى ساۋدا-ەكونوميكالىق ىنتىماقتاستىقتى كەڭەيتۋ ەكى مەملەكەتتىڭ ستراتەگيالىق ارىپتەستىگىنىڭ سيپاتىنا تولىق جاۋاپ بەرەتىنىن اتاپ ءوتتى. كەزدەسۋ بارىسىندا ءىرى وندىرىستىك كومپانيالارمەن: "كاماز" جاق, "پەتەربۋرگ تراكتور زاۋىتى" اق, "ەۋروحيم" محك" اق, "حەندە موتور مانۋفاكتۋرينگ رۋس" جشق جانە "گاز" گرۋپپاسىمەن بىرلەسكەن جوبالاردى ىسكە اسىرۋ كەزەڭدەرى تالقىلاندى.
رەسەيدىڭ تىكەلەي ينۆەستيتسيالار قورى مەن "سق-فارماتسيا" اراسىندا "سپۋتنيك V" ۆاكتسيناسىنىڭ كەپىلدىك بەرىلگەن كولەمىن سىناقتاردىڭ بارلىق ساتىلارىنان وتكەننەن كەيىن ءبولۋ تۋرالى ءوزارا تۇسىنىستىك تۋرالى كەلىسىمگە قول قويىلدى. قازاقستان ءۇشىن قاجەتتى كولەمدى ن.ف. گامالەيا اتىنداعى ەپيدەميولوگيا جانە ميكروبيولوگيا ۇلتتىق زەرتتەۋ ورتالىعى جۇرگىزۋگە دايىن. بۇل رەتتە, قاۋىپ توبىنا كىرەتىن قازاقستاندىقتار ءۇشىن يممۋنداۋ تەگىن جانە ەرىكتى نەگىزدە جۇرگىزىلەدى جانە ۆاكتسينا بارلىق كلينيكالىق سىناقتاردان وتكەننەن كەيىن عانا مۇمكىن بولادى.
ساپار اياسىندا سونداي-اق قر دەنساۋلىق ساقتاۋ ءمينيسترى الەكسەي تسوي مەن رف دەنساۋلىق ساقتاۋ ءمينيسترى ميحايل مۋراشكونىڭ اراسىندا كەلىسسوزدەر ءوتتى, ونىڭ بارىسىندا كوروناۆيرۋس ينفەكتسياسىنىڭ تارالۋىنا قارسى كۇرەستەگى ءوزارا ءىس-قيمىل ماسەلەلەرى تالقىلاندى, ناتيجەلەرى بويىنشا ۆەدومستۆولار اراسىنداعى ودان ءارى ىنتىماقتاستىق تۋرالى حاتتاماعا قول قويىلدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
