ەكى كۇن قاتارىنان ەلوردا ۆولونتەرلەرى "Birgemiz: Sabaqtastyq" جالپىۇلتتىق جوباسى اياسىندا قيىن ومىرلىك جاعدايداعى بالالاردى قولداۋ ورتالىعىنا بارىپ قايتتى.
ۆولونتەرلەر بالالارعا ارنايى ويىن-ساۋىق باعدارلامالارىن ازىرلەپ, انيماتورلارمەن بىرگە كەلەسىدەي بايقاۋلار وتكىزدى: سۋرەت سالۋ, پلاستيلينمەن جۇمىس ىستەۋ, اباي وقۋلارى, Tik Tok ءتۇسىرۋ, ەستافەتا, فۋتبول, باسكەتبول ساقيناسىنا دوپ لاقتىرۋ, ارقان تارتۋ. بارلىق قاتىسۋشىلار ماداقتامالار جانە سىيلىقتارمەن ماراپاتتالدى.
ۆولونتەرلەر شاراسىندا بارلىق سانيتارلىق نورمالار ساقتالدى.
ايتا كەتۋ كەرەك, ەلوردالىق ۆولونتەرلەر جۇمىسى "Birgemiz" جالپىۇلتتىق جوباسىنىڭ بارلىق باعىتتارىن قامتيدى. ولار ۇلى وتان سوعىسىنىڭ ارداگەرلەرى مەن زەينەتكەرلەرگە الەۋمەتتىك قولداۋ كورسەتۋ, مەديتسينا قىزمەتكەرلەرىنە كومەك, سەنبىلىكتەر ۇيىمداستىرۋ, توتەنشە جاعدايلار جانە پوليتسيا دەپارتامەنتتەرىمەن بىرلەسىپ, كارانتين نورمالارىن ساقتاۋ بويىنشا رەيدتەر جۇرگىزۋ جانە ت.ب. جۇمىستارمەن اينالىسادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
