اڭگىمە بارىسىندا اگەنتتىك باسشىسى ۆەدومستۆونىڭ جۇرگىزىپ وتىرعان جۇمىسى مەن ونىڭ نەگىزگى ناتيجەلەرى, سونداي-اق مەملەكەت باسشىسىنىڭ اعىمداعى جىلدىڭ 19 تامىزىندا بەرىلگەن تاپسىرمالارى اياسىندا سىبايلاس جەمقورلىققا قارسى باستامالار تۋرالى ايتىپ بەردى.
ەلشى سايلەر اگەنتتىك توراعاسىنا ناتيجەلى ەكىجاقتى ىنتىماقتاستىق ءۇشىن العىسىن ءبىلدىردى.
اتاپ ايتقاندا, ول بيزنەس-جوبالار مەن ينۆەستورلاردى سىبايلاس جەمقورلىققا قارسى قولداۋ جەلىسى بويىنشا ۆەدومستۆو قىزمەتىنىڭ ەرەكشە ماڭىزدىلىعىن اتاپ ءوتتى.
سىبايلاس جەمقورلىققا قارسى قىزمەتتىڭ قازىرگى زامانعى قۇرىلىمى ەڭ ۇزدىك شەتەلدىك مودەلدەر نەگىزىندە قۇرىلعاندىعى دا اتاپ ءوتىلدى. اتاپ ايتقاندا, ۇلگى رەتىندە اۆستريانىڭ سىبايلاس جەمقورلىققا قارسى فەدەرالدى بيۋروسىنىڭ (BAK) قۇرىلىمى قابىلداندى, ونىڭ قىزمەتى الدىن الۋ, اعارتۋ, سەرىكتەستىك, ىنتىماقتاستىق جانە قىلمىستىق-قۇقىقتىق شارالار باعىتتارى بويىنشا قۇرىلعان.
سونىمەن قاتار, ول 2018 جىلعى قاراشادا قازاقستاننىڭ قارجىلىق قولداۋىمەن ورتالىق ازيا ەلدەرى مەن اۋعانستاننىڭ جەمقورلىققا قارسى ورگاندارى ءۇشىن حالىقارالىق سىبايلاس جەمقورلىققا قارسى اكادەميا (ماكا, لاكسەنبۋرگ ق., اۆستريا) بازاسىندا ترەنينگ وتكىزىلگەنىن اتاپ ءوتتى.
2019 جىلعى 2-4 قازاندا نۇر-سۇلتان قالاسىندا ماكا تاراپتارى اسسامبلەياسىنىڭ 8-ءشى وتىرىسىن وتكىزۋ ەكىجاقتى ىنتىماقتاستىقتى كەڭەيتۋگە قوسىمشا سەرپىن بەردى, وعان 50 ەل مەن حالىقارالىق ۇيىمداردان 130-دان استام شەتەلدىك دەلەگاتتار قاتىستى.
اليك شپەكباەۆ سايلەر مىرزانىڭ اگەنتتىكتىڭ نۇر-سۇلتان قالاسىنداعى جانە بۇۇ الاڭدارىنداعى بىرقاتار حالىقارالىق ءىس-شارالارىنا اۆستريالىق ارىپتەستەرىن بەلسەندى قاتىستىرۋداعى رولىنە دەن قويدى.
كەزدەسۋ سوڭىندا توراعا ديپلوماتتى سىبايلاس جەمقورلىققا قارسى ساياساتتى جەتىلدىرۋگە قوسقان ۇلەسى ءۇشىن ۆەدومستۆولىق مەدالمەن ماراپاتتاپ, جوعارىدا اتالعان باستامالار جانە اۆستريالىق ۋاكىلەتتى ورگاندارمەن تىعىز ىنتىماقتاستىق ارقىلى اگەنتتىكتى دامىتۋعا قولداۋ كورسەتكەنىن ەرەكشە ايتىپ ءوتتى.
تاراپتار ەكى ەلدىڭ سىبايلاس جەمقورلىققا قارسى ۆەدومستۆولارى اراسىندا ودان ءارى ۇزدىك تاجىريبەمەن الماسۋ مەن بولىسۋگە دايىن ەكەندىكتەرىن ءبىلدىردى.
