قازىرگى ۋاقىتتا جوبالىق-سمەتالىق قۇجاتتاما ازىرلەنۋدە, جاقىن ارادا قوعامدىق تىڭداۋلار وتكىزۋ جوسپارلانىپ وتىر. ينۆەستورلاردىڭ ايتۋىنشا, جالپى قۇنى 100 ملن دوللار بولاتىن كاسىپورىندى 2023 جىلعا قاراي تولىعىمەن پايدالانۋعا بەرۋ جوسپارلانىپ وتىر. ءبىرىنشى كەزەڭدە جىلىنا 35 مىڭ تونناعا دەيىن تەحنيكالىق كرەمني وندىرىلەتىن بولادى, ەكىنشى كەزەڭ ءوندىرىس كولەمىن جىلىنا 70 مىڭ تونناعا دەيىن ۇلعايتۋعا مۇمكىندىك بەرەدى. بۇدان باسقا كاسىپورىندى 105 مىڭ تونناعا دەيىن كەڭەيتۋ پەرسپەكتيۆاسى بار.
«قازىرگى ۋاقىتتا بۇل جوبانى قانداي فاكتورلار باسقا زاۋىتتاردان ەرەكشەلەندىرەتىنى بەلگىلى. تەحنيكالىق كرەمنيدى ءوندىرۋ كەزىندە بۇرىن قازاقستاندا قولدانىلماعان قورشاعان ورتانى قورعاۋدىڭ وزىق تەحنولوگيالارى پايدالانىلادى. كومپانيانىڭ نەگىزگى ەرەكشەلىگى – جوعارى دەڭگەيدەگى شيكىزاتتى پايدالانۋ. بۇل جوعارى تەحنولوگيا تۇتىنۋشىلاردىڭ تالاپتارىنا سايكەس جوعارى ساپالى دايىن ونىمگە اكەلەدى. بۇل ءونىم تولىق ەكسپورتقا باعدارلانادى. سونداي-اق زاۋىت ءوزىنىڭ رەكرەاتسيالىق ايماعىمەن, جاسىل جەلەكتەرمەن, توعانمەن جابدىقتالادى. قىزمەتكەرلەر ءۇشىن يوگا ورتالىعى جانە ەمدەۋ-ساۋىقتىرۋ كەشەنى سالىنادى», دەدى كومپانيانىڭ باس ديرەكتورى پانيگراحي بحاكتا.
جاڭا زاۋىتتىڭ قۇرىلىسى ايماقتاعى تمك سالاسىن دامىتۋعا ۇلكەن سەرپىن بەرەدى. ءوندىرىس سالىق بازاسىن كەڭەيتەدى, ەكسپورتتىق الەۋەتتى ارتتىرادى جانە ەكونوميكانى ارتاراپتاندىرۋعا وڭ اسەر ەتەدى. دايىن ءونىم قازاقستان ءۇشىن جاڭا تاۋاشالاردى يگەرۋگە تەحنولوگيالىق مۇمكىندىكتەر اشادى. كۇن پانەلدەرىن, ەلەكترونيكانىڭ جاڭا تۇرلەرىن, قورىتپالاردى جانە ت.ب. ءوندىرۋ مۇمكىندىگى پايدا بولادى.
«باستاپقى كەزەڭدە كومپانيا 377 ادامدى جۇمىسپەن قامتاماسىز ەتەدى. جەرگىلىكتى تۇرعىنداردى عانا ەمەس, سونىمەن قاتار ەلىمىزدىڭ باسقا وڭىرلەرىنەن مامانداردى دا تارتۋ جوسپارلانىپ وتىر. ءوندىرىستىڭ دامۋىمەن جۇمىس ورىندارىنىڭ سانى دا ارتادى. ينۆەستورلار العاشقى پايدانى ءوندىرىس ىسكە قوسىلعاننان كەيىن بىرنەشە جىلدان كەيىن عانا الادى. زاۋىت ءالى سالىنباعانىنا قاراماستان, كومپانيا ينۆەستيتسيالاۋ ساتىسىندا تۇرسا دا, «ANSA Silicon» جشس قالا ومىرىنە بەلسەندى قاتىسۋدا», دەپ حابارلادى «KAZAKH INVEST» ۇك» اق پاۆلودار وبلىسى بويىنشا ايماقتىق ديرەكتورى ءماديار دانياروۆ.
ۇلتتىق كومپانيانىڭ وڭىرلىك ديرەكتورىنىڭ ايتۋىنشا, وسى جىلدىڭ اقپان ايىندا كومپانيا «ەكىباستۇز قالاسىنداعى اۋتيست بالالاردىڭ اتا-انالارىنىڭ بىرلەستىگى» قوعامدىق بىرلەستىگىمەن جانە «ەرەكشە ءۇي» بالالاردى وڭالتۋ ورتالىعىمەن كەلىسىمشارت جاساسقان.
ء«بىزدىڭ ۇيىمنىڭ قىزمەتىن قولداۋعا شەتەلدىك دەمەۋشىلەر 19 ملن تەڭگەدەن استام قاراجات ءبولدى. ەندى ورتالىق 2020 جىلى 120 بالانى تەگىن وڭالتۋمەن قامتاماسىز ەتە الادى, سونداي-اق سەنسورلىق ىنتالاندىرۋ ءۇشىن اپپاراتتار ساتىپ الا الادى. ينۆەستورلار اكىمدىكپەن بىرلەسىپ, ەرەكشە قاجەتتىلىكتەرى بار بالالاردىڭ دامۋى ءۇشىن بارلىق جاعدايدىڭ بولۋىنا كۇش-جىگەرىن سالادى. سونداي-اق مامىر ايىندا Ansa Silicon قولداۋىمەن عيماراتتىڭ شاتىرى جوندەۋ جۇمىستارىنان ءوتتى», دەدى «ەرەكشە ءۇي» بالالاردى وڭالتۋ ورتالىعىنىڭ جەتەكشىسى ادينا سەيىتوۆا.
«Ansa Silicon» جشس COVID-19 پاندەمياسىنا بايلانىستى كومەك قورىنا 1 ملن تەڭگە كولەمىندە ۇلەس قوستى. سونىمەن قاتار كومپانيا وكىلدەرى ەكى اپتالىق ءۇي كارانتينىندە بولعان پاتسيەنتتەرگە 150 كيلودان استام ەت تاراتتى. بولاشاقتا زاۋىت قالانى الەۋمەتتىك قامتاماسىز ەتۋگە قوماقتى قاراجات سالۋدى جوسپارلاپ وتىر. دەنساۋلىق ساقتاۋ, ءبىلىم بەرۋ, سانيتاريا جانە ت.ب. سالالارىن دامىتۋعا ارنالعان شىعىستار جوسپارلانعان.
