ايماقتار • 25 تامىز، 2020

جالاعاش اۋدانىندا پروۆيزورلىق ستاتسيونار جابىلىپ، سوڭعى 2 ناۋقاس ۇيىنە قايتارىلدى

41 رەت كورسەتىلدى

جالاعاش اۋدانىنا قاراستى مادەنيەت اۋىلدىق وكرۋگىندەگى اۋرۋحانادا سوڭعى ناۋقاس ەمدەلىپ شىعىپ، پروۆيزورلىق ستاتسيونار جابىلدى، - دەپ حابارلايدى Egemen.kz.

ىندەت ءورشي باستاعان كەزەڭدە وسى اۋرۋحانادان پروۆيزورلىق جانە كۆي ستاتسيونارلار اشىلىپ، 20 توسەك ورىنعا ارنالعان اۋرۋحانانىڭ توسەك قورى 105-كە جەتكىزىلگەن ەدى. دارىگەرلەر دەڭدەگەن دەرتكە قارسى تۇرىپ، كۇنى-ءتۇنى كوز ىلمەي ەڭبەك ەتىپ، ناۋقاستاردىڭ ومىرىنە اراشا بولدى.

"سوڭعى ۋاقىتتىڭ ىشىندە ستاتسيونارعا كوروناۆيرۋس، پنەۆمونيا دەرتىمەن ناۋقاستار تۇسكەن جوق. بۇگىن مۇنداعى سوڭعى 2 ناۋقاستى شىعارىپ، پروۆيزورلىق ستاتسيوناردى جاپتىق. ەندى دەزينفەكتسيا جۇرگىزىلىپ، اۋرۋحانا حالىققا قالىپتى جاعدايدا قىزمەت كورسەتەتىن بولادى"، – دەيدى پروۆيزور ءبولىمىنىڭ دارىگەر مەڭگەرۋشىسى ازيزبەك جامكەەۆ.

دارىگەرلەر پروۆيزورلىق ستاتسيوناردا ەم الىپ، ۇيىنە اسىققان سوڭعى 2 ناۋقاستى قۇرمەت كورسەتىپ شىعارىپ سالدى. ناۋقاسىنان ايىققان ازاماتتار دارىگەرلەرگە العىسىن جەتكىزدى.

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار