قازاقستاننىڭ باس سانيتار دارىگەرىنىڭ قاۋلىسىنا وزگەرىستەر ەنگىزىلدى

قازاقستان رەسپۋبليكاسىنىڭ حالقى اراسىندا كوروناۆيرۋستىق ينفەكتسيانىڭ تارالۋىنىڭ الدىن الۋ ماقساتىندا قاۋلى ەتەمىن:

1. «كارانتيندىك شەكتەۋ شارالارى جانە ولاردى كەزەڭ-كەزەڭىمەن جەڭىلدەتۋ تۋرالى» قازاقستان رەسپۋبليكاسى باس مەملەكەتتىك سانيتاريالىق دارىگەرىنىڭ 2020 جىلعى 15 تامىزداعى № 48 قاۋلىسىنا (بۇدان ءارى – قاۋلى) مىناداي وزگەرىس پەن تولىقتىرۋ ەنگىزىلسىن:

1)  4-تارماق مىناداي رەداكتسيادا جازىلسىن:

«4. وبلىستاردىڭ, الماتى, نۇر-سۇلتان, شىمكەنت قالالارىنىڭ اكىمدەرى, وبلىستاردىڭ, الماتى, نۇر-سۇلتان, شىمكەنت قالالارىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتتەرى, وبلىستاردىڭ, الماتى, نۇر-سۇلتان, شىمكەنت قالالارىنىڭ پوليتسيا دەپارتامەنتتەرى:

1) قىزمەتىنە رۇقسات ەتىلگەن وبەكتىلەردە كارانتيندىك شارالاردىڭ, سانيتاريالىق-دەزينفەكتسيالىق رەجيمنىڭ ساقتالۋىن باقىلاۋدى قامتاماسىز ەتسىن. بۇزۋشىلىقتار انىقتالعان كەزدە «اكىمشىلىك قۇقىق بۇزۋشىلىق تۋرالى» 2014 جىلعى 5 شىلدەدەگى قازاقستان رەسپۋبليكاسىنىڭ كودەكسىنە سايكەس اكىمشىلىك شارالار قابىلداۋدى;

2) قازاقستان رەسپۋبليكاسى پرەزيدەنتىنىڭ جانىنداعى ەكونوميكالىق ءوسۋدى قالپىنا كەلتىرۋ جونىندەگى مەملەكەتتىك كوميسسياسى وتىرىسىنىڭ 2020 جىلعى 30 شىلدەدەگى № 6 حاتتاماسىنىڭ 2.6-تارماعىن باسشىلىققا الا وتىرىپ, قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ 2020 جىلعى 15 تامىزداعى № 48 قاۋلىسىنا 2 جانە 3-قوسىمشالارعا سايكەس قىزمەتى شەكتەلمەگەن وبەكتىلەردى قوسا العاندا, وبەكتىلەردىڭ قىزمەتىن قايتا باستاۋدى قامتاماسىز ەتسىن. 

3) وسى قاۋلىعا 1-قوسىمشاعا سايكەس 2 جانە 3-قومىسشالارمەن تولىقتىرىلسىن.

2. «قازاقستان رەسپۋبليكاسىنىڭ حالقى اراسىندا كوروناۆيرۋستىق ينفەكتسيا اۋرۋىنىڭ الدىن الۋ جونىندەگى شارالاردى ودان ءارى كۇشەيتۋ تۋرالى» قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ 2020 جىلعى 26 ماۋسىمداعى №43 قاۋلىسىنا مىناداي وزگەرىس پەن تولىقتىرۋ ەنگىزىلسىن:

1) 24-تارماقتىڭ 26) تارماقشاسى الىنىپ تاستالسىن;

2) وسى قاۋلىعا 2-قوسىمشاعا سايكەس 43-قوسىمشامەن تولىقتىرىلسىن.

3. وسى قاۋلىنىڭ ورىندالۋىن باقىلاۋدى وزىمە قالدىرامىن.
4. وسى قاۋلى قول قويىلعان كۇننەن باستاپ كۇشىنە ەنەدى.

قازاقستان رەسپۋبليكاسىنىڭ  

باس مەملەكەتتىك

سانيتاريالىق دارىگەرى                                                 ا. ەسماعامبەتوۆا

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.