ەكونوميكا • 25 تامىز، 2020

ەكىباستۇز گرەس-2 ۆاليۋتالىق قاتەردى جويدى

16 رەت كورسەتىلدى

"سامۇرىق-قازىنا" اق مەن "سامۇرىق-ەنەرگو" اق تەڭ اكتسيونەرلەرى بولىپ تابىلاتىن "ەكىباستۇز گرەس-2ستانتسياسى" اق جالپى سوماسى شامامەن 100 ملرد تەڭگە بولاتىن شەتەل ۆاليۋتاسىنداعى بارلىق مىندەتتەمەلەرىن قايتا قارجىلاندىردى. وسىلايشا، ستانتسيا ۆاليۋتالىق قاتەردىڭ بەتىن تولىعىمەن قايتارىپ، بولۋى ىقتيمال كۋرستىق شىعىنداردى جويدى، - دەپ حابارلايدى "سامۇرىق-ەنەرگو" اق ۇكىمەتپەن بايلانىس جانە كوممۋنيكاتسيالار قىزمەتى.

بۇل ءىس-شارا ەل ەكونوميكاسىنىڭ دوللارعا بايلانىستىلىعى دەڭگەيىن تومەندەتۋ، قازاقستاننىڭ ۆاليۋتالىق مىندەتتەمەلەرى مەن سىرتقى قارىزدارىن ازايتۋ جونىندەگى مەملەكەتتىڭ ساياساتىن قولداۋ اياسىندا وتكىزىلدى. قايتا قارجىلاندىرۋدىڭ كوزى – قازاقستاننىڭ اسا ءىرى بانكى – "قازاقستاننىڭ حالىق بانكى" اق. 

بۇل مامىلەنى ىسكە اسىرۋ ەكىباستۇز گرەس-2-گە ۆاليۋتالىق قاتەردى تولىعىمەن جويۋعا، سىياقى مولشەرلەمەسىن بەكىتۋگە، كەپىلدەگى جىلجيتىن جانە جىلجىمايتىن مۇلكىن تولىعىمەن بوساتىپ الۋعا مۇمكىندىك بەردى، سونىڭ ارقاسىندا 1 ملرد تەڭگەدەن استام جىل سايىنعى ىلەسپە شىعىستار وڭتايلاندىرىلدى. 

قوسىمشا مامىلە ۇلتتىق ۆاليۋتادا بەكىتىلگەن ۇزاق مەرزىمدى قارىز ەسەبىنەن قورلاندىرۋ شارتتارىن جاقسارتۋعا جانە قارجىلاندىرۋ قۇرىلىمىن وڭايلاتۋعا مۇمكىندىك بەردى. 

 

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

ۇقساس جاڭالىقتار