ستاتيستيكالىق دەرەكتەر بويىنشا بيىل اۋىل شارۋاشىلىعى داقىلدارىنىڭ جالپى ەگىس الاڭى 22,7 ملن گەكتاردى قۇرادى (بۇل 2019 جىلمەن سالىستىرعاندا 439,2 مىڭ گەكتارعا كوپ). ءداندى جانە ءداندى-بۇرشاقتى داقىلدار الاڭى 15,8 ملن گەكتاردى, مايلى داقىلدار 2,9 ملن گەكتاردى, كوكونىس-باقشا داقىلدارى مەن كارتوپ 457,4 مىڭ گەكتاردى, ماقتا 125,8 مىڭ گەكتاردى, قانت قىزىلشاسى 20,9 مىڭ گەكتاردى, ازىقتىق داقىلدار 3,3 ملن گەكتاردى قۇرادى.
اۋىل شارۋاشىلىعى ءمينيسترى اتاپ وتكەندەي, بيىل ەلىمىزدە ەگىن جيناۋ جۇمىستارى ۋاقىتىلى باستالدى, ەگىن جيناۋ ناۋقانىنىڭ قارقىنى وتكەن جىلمەن سالىستىرعاندا جوعارى. ماسەلەن, بۇگىنگى تاڭدا رەسپۋبليكا بويىنشا بارلىعى 3,3 ملن گەكتار ءداندى جانە بۇرشاقتى داقىلدار نەمەسە ولاردىڭ جالپى جينالاتىن الاڭىنىڭ 21,2%-ى جينالدى, وتكەن جىلى وسىنداي كەزەڭدە 2,1 ملن گەكتار نەمەسە 14% جينالعان بولاتىن.
«ورتاشا ونىمدىلىك گەكتارىنا 13,5 تسەنتنەردى قۇراپ, 4,5 ملن توننا استىق باستىرىلدى. وزدەرىڭىز بىلەتىندەي, بيىلعى جازعى ماۋسىمدا وتكەن جىلعى سەكىلدى وتە قۋاڭ (قۇرعاق) اۋا-رايى ورىن الدى. توتەنشە جاعداي مەن كارانتين رەجيمىنە قاراماستان, ەگىس ناۋقانى وڭتايلى مەرزىمدە جۇرگىزىلدى. ىلعالدى جابۋ جانە توپىراقتى ەگىس الدىندا وڭدەۋ بويىنشا ساپالى جانە ۋاقىتىلى جۇرگىزىلگەن ءىس-شارالار توپىراقتىڭ ءونىمدى ىلعالىن ساقتاپ قالۋعا مۇمكىندىك بەردى», — دەدى س. وماروۆ.
سونداي-اق اۋىل شارۋاشىلىعى داقىلدارىنىڭ قولايسىز اۋا رايى جاعدايلارىنا توزىمدىلىگىن ارتتىرۋعا مەملەكەتتىڭ تۇقىم شارۋاشىلىعىن قولداۋ بويىنشا قابىلداعان شارالارى اسەر ەتتى. ماسەلەن, وتكەن جىلمەن سالىستىرعاندا تۇقىم شارۋاشىلىعىن سۋبسيديالاۋ 49%-عا ارتتى. سۋبسيديالاۋ تەتىگى جەتىلدىرىلدى, وعان سايكەس شەتەلدىك سەلەكتسيانىڭ سۇرانىسقا يە تۇقىمدارىن ساتىپ الۋعا جۇمسالعان شىعىندار سۋبسيديالانادى, سونداي-اق ەليتالىق تۇقىم شارۋاشىلىقتارىنا كەيىننەن كوبەيتۋ ءۇشىن بىرەگەي تۇقىم ساتىپ الۋعا قولداۋ كورسەتىلەدى.
«تۇقىم تازالايتىن تەحنيكا مەن سەلەكتسيالىق تەحنيكانىڭ بارلىق تۇرلەرىن ينۆەستيتسيالىق سۋبسيديالاۋ ەنگىزىلدى, بۇل وتاندىق تۇقىم شارۋاشىلىعىن دامىتۋعا جاردەمدەسەتىن بولادى. ماسەلەن, ەگىس ناۋقانىن جۇرگىزۋ كەزىندە قابىلدانعان شارالار ناتيجەسىندە سەبىلگەن ەليتالىق تۇقىمداردىڭ ۇلەسى 2 ەسەگە جۋىق ءوستى. بۇل رەتتە ساپاسى تومەن تۇقىمداردىڭ ۇلەسى 2,8 ەسە تومەندەدى», — دەدى اۋىل شارۋاشىلىعى ءمينيسترى.
بۇگىنگى تاڭدا وسىمدىكتەردى قورعاۋ جانە ەگىستەردى تىڭايتۋ بويىنشا قاجەتتى ءىس-شارالار كەشەنى جۇرگىزىلدى. وسى جىلى تىڭايتقىش ساتىپ الۋدى سۋبسيديالاۋعا 26,1 ملرد تەڭگە ءبولىندى. بۇل شامامەن 522 مىڭ توننا مينەرالدى تىڭايتقىش نەمەسە عىلىمي نەگىزدەلگەن نورمانىڭ 20%-ىن ساتىپ الۋدى سۋبسيديالاۋعا مۇمكىندىك بەرەدى.
«قازىرگى ۋاقىتتا اۋىل شارۋاشىلىعى ەڭبەككەرلەرى 493 مىڭ توننا تىڭايتقىش ساتىپ الدى, بۇل كورسەتكىش وتكەن جىلمەن سالىستىرعاندا 5%-عا جوعارى. بۇل رەتتە تيەپ-جونەلتۋدىڭ جالعاسىپ جاتقانىن جانە بەلگىلى كولەمدەردىڭ كۇزگى جەر جىرتۋ كەزىندە ەنگىزىلەتىنىن اتاپ كەتكەن ءجون. ساتىپ الىنعان تىڭايتقىش كولەمىنىڭ 292 مىڭ تونناسى نەمەسە 60%-ى – وتاندىق تىڭايتقىشتار», — دەدى س. وماروۆ.
جالپى, سوڭعى 5 جىلدا تىڭايتقىش ەنگىزۋ دەڭگەيى عىلىمي قاجەتتىلىكتىڭ 10,1%-نان 22%-نا دەيىن 2 ەسە ارتتى. بۇل رەتتە, تىڭايتقىش ەنگىزۋ اۋىل شارۋاشىلىعى ءونىمىنىڭ ساپاسى مەن تۇسىمدىلىگىنە تىكەلەي اسەر ەتەتىنىن ەسكەرە وتىرىپ, وبلىس اكىمدەرىنەن مينەرالدى تىڭايتقىشتاردى ەنگىزۋ كولەمىن ارتتىرۋ جۇمىسىن كۇشەيتۋدى سۇرايمىز.
سونداي-اق ەگىستەردى زيانكەستەر مەن اۋرۋلارعا قارسى حيميالىق وڭدەۋ شارالارى ۋاقتىلى قابىلداندى. ءۇيىرلى جانە ساياق زيانكەستەردىڭ تارالۋ وشاقتارىن ۋاقتىلى وقشاۋلاۋ ولاردىڭ الەمدە بايقالىپ وتىرعان اۋىر زارداپتارىن بولدىرماۋعا مۇمكىندىك بەردى. بيولوگيالىق تيىمدىلىك 80-92%-دى قۇرادى. بۇل رەتتە, سوڭعى جىلدارى اسا قاۋىپتى زيانكەستەر بويىنشا وڭدەۋ الاڭدارىنىڭ 2,3 ەسە, ءداندى داقىلدار اۋرۋلارى بويىنشا وڭدەۋ 1,8 ەسە تومەندەگەنى بايقالادى.
«بيىل پەستيتسيدتەردى سۋبسيديالاۋعا 37 ملرد تەڭگە كوزدەلدى, بۇل كولەم 2019 جىلعا قاراعاندا 9,6 ملرد تەڭگەگە كوپ. بۇگىنگى كۇنى شامامەن 17 ملن گەكتار نەمەسە جالپى ەگىس الاڭىنىڭ 75%-ى وڭدەلدى», — دەدى س. وماروۆ. ەگىن جيناۋ جۇمىستارى باستالاتىن ۋاقىتقا اۋىل شارۋاشىلىعى تاۋارىن وندىرۋشىلەر بارلىق قاجەتتى تەحنيكانى دايىن ەتتى. جالپى ەگىن جيناۋ جۇمىستارىن جۇرگىزۋ ءۇشىن رەسپۋبليكادا 145 مىڭ تراكتور, 75 مىڭ تراكتور تىركەمەسى, 38 مىڭ استىق جينايتىن كومباين, 15 مىڭ دەستەلەگىش, 39 مىڭ جۇك ءاۆتوموبيلى بار. جۇمىستىڭ ۇزاق توقتاپ قالۋىن بولدىرماۋ ماقساتىندا اۋىل شارۋاشىلىعى تاۋارىن وندىرۋشىلەر جوندەۋ بريگادالارىن قالىپتاستىردى. سەرۆيستىك كومپانيالارمەن كوشپەلى سەرۆيستى كۇشەيتۋ, سونداي-اق قويمالاردى قاجەتتى قوسالقى بولشەكتەرمەن تولتىرۋ بويىنشا ءتيىستى جۇمىستار جۇرگىزىلدى.
«ەگىن جيناۋ جۇمىستارىن ۋاقىتىلى جۇرگىزۋ ءۇشىن اۋىل شارۋاشىلىعى تاۋارىن وندىرۋشىلەرگە 395 مىڭ توننا ارزانداتىلعان جانار-جاعارماي ءبولىندى. شىلدەدەگى كولەمدى وڭىرلەر تولىق الدى. تامىز ايىنداعى كولەمنىڭ 55%-ىنا اقى تولەندى, 26%-ى تيەپ-جونەلتىلدى», — دەدى س. وماروۆ.
وزدەرىڭىزگە بەلگىلى, ەلىمىزدىڭ ازىق-ت ۇلىك قاۋىپسىزدىگىن قامتاماسىز ەتۋ, ونىڭ ىشىندە كوروناۆيرۋس پاندەمياسىنا بايلانىستى قازىرگى جاعدايدا ءبىرىنشى كەزەكتەگى ماقساتتاردىڭ ءبىرى بولىپ تابىلادى. قابىلدانعان شارالار, وسى جىلى اۋا-رايىنىڭ قولايسىز بولۋىنا قاراماستان, بىرلەسىپ استىق ءوندىرۋ كولەمىن وتكەن جىلعى دەڭگەيدە كۇتۋگە مۇمكىندىك بەرەدى. اۋىل شارۋاشىلىعى داقىلدارىنىڭ بولجانىپ وتىرعان كولەمى ەلىمىزدىڭ ىشكى سۇرانىسىن تولىعىمەن قامتاماسىز ەتۋگە مۇمكىندىك بەرەدى. بۇعان قوسا مەملەكەت باسشىسى ق. توقاەۆتىڭ تاپسىرماسىن ورىنداۋ ماقساتىندا وسى جىلى ازىق-ت ۇلىك كەلىسىمشارت كورپوراتسياسى اۋىل شارۋاشىلىعى ونىمدەرىن فورۆاردتىق ساتىپ الۋدى جۇزەگە اسىردى, سونىڭ ارقاسىندا ازىق-ت ۇلىك كەلىسىمشارت كورپوراتسياسىنا 517 مىڭ توننا مولشەرىندە استىق جەتكىزۋ كولەمى تۋرالى كەلىسىمشارت جاسالدى. بۇل رەتتە, ازىق-ت ۇلىك كەلىسىمشارت كورپوراتسياسىنىڭ رەزەرۆتىك قورىندا 456,4 مىڭ توننا استىق بار. كورسەتىلگەن استىق كولەمى, قاجەت بولعان جاعدايدا, ىشكى نارىقتى تۇراقتاندىرۋ جانە ازىق-ت ۇلىك قاۋىپسىزدىگىن قامتاماسىز ەتۋ ماقساتىندا ىشكى نارىققا باعىتتالاتىن بولادى.
«رەسپۋبليكانىڭ جالپى استىق ساقتاۋ سىيىمدىلىعى 27,5 ملن توننانى, ونىڭ ىشىندە استىق قابىلداۋ كاسىپورىندارىندا 12 ملن توننانى, اۋىل شارۋاشىلىعى تاۋارىن وندىرۋشىلەردە 15,5 ملن توننانى قۇرايدى. ساقتاۋ سىيىمدىلىعىنىڭ كورسەتىلگەن كولەمى وتكەن جىلداردان قالعان قالدىق استىقتى ەسەپكە العاندا, بولجانىپ وتىرعان ءتۇسىمدى ساقتاۋ ءۇشىن جەتكىلىكتى», — دەدى س. وماروۆ.
سونىمەن قاتار, اكىمدىكتەر ەلەۆاتورلاردىڭ 2020 جىلعى ەگىندى قابىلداۋعا دەگەن دايىندىعىنا, سونداي-اق كارانتيندىك شارالاردى ىقتيمال كۇشەيتۋ مۇمكىندىگىن ەسكەرە وتىرىپ, تاناپتاردان استىقتىڭ ەلەۆاتورلارعا ۇزدىكسىز تاسىمالدانۋىنا تۇراقتى مونيتورينگ جۇرگىزىپ وتىرۋى قاجەت.
«جينالعان ءونىمنىڭ (18 ملن توننا) 3,5 ملن تونناسى ازىق-ت ۇلىكتىك ماقساتقا, 4,2 ملن تونناسى جەمشوپكە, 2,1 ملن تونناسى تۇقىمدىق ماقساتقا, 700 مىڭ تونناسى ونەركاسىپتىك وڭدەۋگە باعىتتالاتىن بولادى. بولجانىپ وتىرعان ءتۇسىم بەلگىلى ءبىر كولەمدەردى ەكسپورتقا جونەلتۋگە دە مۇمكىندىك بەرەتىن بولادى. بۇل رەتتە بيىل ەكسپورتتىق ستراتەگيانىڭ وتكەن جىلداردان وزگەشەلىگى بولمايدى جانە ءداستۇرلى نارىقتاردا باسىم ورىنداردىڭ ساقتالۋىمەن سيپاتتالادى. 2020/2021 ماركەتينگتىك جىلعا ارنالعان ەكسپورتتىق الەۋەت ۇندى قوسا ەسەپتەگەندە 7,5-8 ملن توننانى قۇرايدى», — دەدى اۋىل شارۋاشىلىعى ءمينيسترى.
س. وماروۆ اتاپ وتكەندەي, قازىرگى ۋاقىتتا ءبىرىنشى كەزەكتەگى مىندەت وسىرىلگەن ەگىندى شىعىنسىز جيناپ الۋ بولىپ تابىلادى, بۇل رەتتە قازگيدرومەت بولجامىنا سايكەس قىركۇيەك ايىندا رەسپۋبليكانىڭ سولتۇستىك-شىعىس بولىگىندە جاۋىن-شاشىن مولشەرى نورمادان جوعارى بولاتىنىن ەسكەرۋ قاجەت. ەنەرگەتيكا ءمينيسترى نۇرلان نوعاەۆ 2020 جىلعى كۇزگى دالا جۇمىستارىن جۇرگىزۋ ماقساتىندا ەنەرگەتيكا مينيسترلىگى اۋىل شارۋاشىلىعى مينيسترلىگىمەن بىرلەسىپ «2020 جىلعى دالا جۇمىستارىنا ديزەل وتىنىن جەتكىزۋ بويىنشا وبلىستاردى ءموز-گە بەكىتۋ كەستەسىن» ازىرلەدى, ونىڭ شەڭبەرىندە اۋىل شارۋاشىلىعى تاۋارىن وندىرۋشىلەر ءۇشىن قاجەتتىلىك 395 مىڭ توننا كولەمىندە بەكىتىلدى. وسى جىلدىڭ 21 تامىزىنداعى جاعداي بويىنشا 26,9% ورىندالدى. جوسپارلانعان 395 مىڭ توننانىڭ 106,2 مىڭ تونناسى تيەپ-جونەلتىلدى, ونىڭ ىشىندە: شىلدەدە 92,7%, جوسپارلانعان 74,6 مىڭ توننانىڭ 69,2 مىڭ تونناسى تيەپ-جونەلتىلدى; تامىزدا 25,9%, جوسپارلانعان 142,7 مىڭ توننانىڭ 37 مىڭ تونناسى تيەپ-جونەلتىلدى; بەكىتىلگەن كەستە بويىنشا قىركۇيەك ايىندا 140,8 مىڭ توننا, قازان ايىندا 36,8 مىڭ توننا تيەپ-جونەلتۋ جوسپارلانۋدا. تيەپ-جونەلتۋ تولەمگە سايكەس جۇرگىزىلۋدە. 2020 جىلدىڭ كۇزگى-دالا جۇمىستارىن جۇرگىزۋ ءۇشىن ديزەل وتىنىنىڭ ۇسىنىلاتىن باعاسى قوسىمشا قۇن سالىعىن قوسا العاندا زاۋىتتا تونناسىنا 178 000 تەڭگەنى قۇرايدى نەمەسە ليترىنە 147 تەڭگە (FCA شارتىمەن – تيەپ-جونەلتۋ ستانتسياسى). 2020 جىلدىڭ كۇزگى-دالا جۇمىستارىن جۇرگىزۋ ءۇشىن ديزەل وتىنىنىڭ ۇسىنىلاتىن باعاسى قوسىمشا قۇن سالىعىن قوسا العاندا زاۋىتتا تونناسىنا 178 000 تەڭگەنى قۇرايدى نەمەسە ليترىنە 147 تەڭگە. جەتكىزۋ مەن ساقتاۋدى ەسكەرە وتىرىپ, ءاشتو ءۇشىن بولجامدى باعاسى ءموز-دەن قاشىقتىعىنا بايلانىستى ليترىنە 155-169 تەڭگە بولۋى مۇمكىن. جانارماي قۇيۋ ستانتسياسىنىڭ باعاسى ليترىنە 178-دەن 193 تەڭگەگە دەيىن.
«اۋىل شارۋاشىلىعى قاجەتتىگى ءۇشىن ديزەل وتىنىنىڭ ارزانداتىلعان قۇنى جانار-جاعار ماي نارىعىنىڭ قاتىسۋشىلارىمەن كەلىسىم بويىنشا انىقتالادى», — دەدى ن. نوعاەۆ.
اقمولا وبلىسىنىڭ اكىمى ەرمەك مارجىقپاەۆ بيىل اقمولا وبلىسىندا اۋىل شارۋاشىلىعى داقىلدارىنىڭ ەگىستىك القابىنىڭ كولەمى 5 ملن گەكتاردى قۇراعانىن, ونىڭ ىشىندە: ءداندى جانە بۇرشاق ءداندى داقىلدار – 4,4 ملن گا (2019 جىلعى دەڭگەيدەن 17,4 مىڭ گا ارتىق), مايلى داقىلدار – 210 مىڭ گەكتاردان استام, كارتوپ – شامامەن 16 مىڭ گا (87 گا ارتىق) جانە كوكونىستەر – 3,5 مىڭ گا (وتكەن جىلعى دەڭگەيدەن 55 گا ارتىق), مال ازىعى – 181 مىڭ گا ەكەنىن اتاپ ءوتتى. ەگىن جيناۋعا 8 مىڭنان استام استىق جيناۋ كومباينى قاتىسادى, ونىڭ ىشىندە قازىرگى زامانعى جوعارى ءونىمدى تەحنيكا — 3,5 مىڭنان استام, سونداي-اق 2,5 مىڭ دەستەلەگىش (2020 جىلى 67 استىق جيناۋ كومباينى, 219 تراكتور, 41 ەگىن ەگۋ كەشەنى ساتىپ الىندى).
«بۇگىنگى تاڭدا ءداندى جانە بۇرشاق ءداندى داقىلدارىنىڭ 654 مىڭ گەكتارى ورىلدى (ەگىستىك القابىنان 14,8%), شىعىمدىلىعى گەكتارىنان 9,4 تسەنتنەردى قۇرايدى. جاڭا استىقتى قابىلداۋ ءۇشىن 4,2 ملن توننا جالپى ساقتاۋ سىيىمدىلىعىمەن 65 استىق قابىلداۋ كاسىپورنى دايىن. جالپى, اۋىل شارۋاشىلىعى قۇرىلىمدارىنىڭ استىق ساقتاۋ قويمالارىن ەسكەرە وتىرىپ, 6,6 ملن توننادان استام استىقتى ساقتاۋ ءۇشىن مۇمكىندىك بار», — دەدى ە. مارجىقپاەۆ.
كۇزگى-دالا جۇمىستارىن جۇرگىزۋ ءۇشىن 73 مىڭ توننا كەپىل بەرىلگەن ديزەل وتىنى ءبولىندى. ءوز كەزەگىندە قوستاناي وبلىسىنىڭ اكىمى ارحيمەد مۇحامبەتوۆ ءداندى داقىلدار جينايتىن القاپ وبلىس بويىنشا 4 ملن 051 مىڭ گەكتاردى قۇرايتىنىن اتاپ ءوتتى. مايلى داقىلدار 640,5 مىڭ گەكتار, بۇل وتكەن جىلعىدان 130,4 مىڭ گەكتارعا ارتىق. سوڭعى 4 جىلدا ءارتاراپتاندىرۋ شەڭبەرىندە مايلى داقىلدار القابى 289 مىڭ گەكتارعا ۇلعايتىلدى. 10 تامىزدان باستاپ شارۋاشىلىقتار ەگىن جيناۋعا كىرىستى, بۇگىنگى كۇنى 591,4 مىڭ گەكتار ءداندى داقىل باستىرىلدى نەمەسە 14,7%.
«بيىل اۋىل شارۋاشىلىعى قۇرىلىمدارىن قارجىلاندىرۋ ايتارلىقتاي ءوستى. كوكتەمگى دالا جانە ەگىن جيناۋ جۇمىستارىن جۇرگىزۋگە 29,3 ملرد تەڭگە الىندى. “اگرارلىق نەسيە كورپوراتسياسى” اكتسيونەرلىك قوعامى ارقىلى 22,5 ملرد تەڭگە ءبولىندى, بۇل وتكەن جىلعىدان 8,9 ملرد تەڭگەگە ارتىق. ونىڭ ىشىندە 3,2 ملرد تەڭگە قاراپايىم زاتتار ەكونوميكاسى باعدارلاماسى بويىنشا الىندى», — دەدى ا. مۇحامبەتوۆ.
ەگىن جيناۋ جۇمىستارىنا قولدا بار بارلىق كومباين پاركى — 9,1 مىڭ بىرلىگى قاتىسۋدا. وبلىس تاۋار وندىرۋشىلەرىنىڭ تەحنيكالىق جاراقتاندىرىلۋىن ۇلعايتۋعا «اگروماشحولدينگ كZ» اكتسيونەرلىك قوعامى ايتارلىقتاي قولداۋ كورسەتۋدە. 2019-2020 جىلدارى كاسىپورىن 445 «ەسىل» كومباينىن جاساپ شىعاردى. تاۋار وندىرۋشىلەر جانار-جاعار مايمەن قامتاماسىز ەتىلگەن, بولىنگەن كولەمدەرى جەتكىلىكتى.
ء«ونىمدى ساقتاۋ سىيىمدىلىعى 8,2 ملن تونناعا ارنالعان. سوڭعى 3 جىلدا وبلىستا قوسىمشا 950 مىڭ توننا ءونىمدى ساقتاۋ سىيىمدىلىقتارى ەنگىزىلدى, جيىنتىق ونىمدىلىگى تاۋلىگىنە 53 مىڭ توننا استىق بولاتىن 44 كەپتىرۋ اگرەگاتى ساتىپ الىندى. بۇل قۋاتتىلىقتار وسىرىلگەن ءونىمدى ۋاقىتىلى وڭدەۋ, كەپتىرۋ جانە ساقتاۋ ءۇشىن جەتكىلىكتى. جالپى, بارلىق جۇمىستار شتاتتىق رەجيمدە جۇرگىزىلۋدە», — دەدى قوستاناي وبلىسىنىڭ اكىمى.
سولتۇستىك قازاقستان وبلىسىنىڭ اكىمى قۇمار اقساقالوۆ قازىرگى ۋاقىتتا استىقتىڭ 14,7% جينالعانىن اتاپ ءوتتى. شىعىمدىلىق — گەكتاردان 14 تسەنتنەر. 22,5 مىڭنان استام گەكتار القاپتان مايلى داقىلدار جيناپ الىندى. شىعىمدىلىعى — گەكتاردان 9 تسەنتنەر. وبلىس بويىنشا باستىرۋدا ورتاشا تاۋلىكتىك ونىمدىلىك 160-170 مىڭ گا نەمەسە جالپى اۋداننىڭ 4-4,5%-نەن ارتىق بولادى.
«ەگىن جيناۋ جۇمىستارى 4,2 ملن گەكتار القابىندا جۇرگىزىلەتىن بولادى. يمپورت الماستىرۋ اياسىندا قاراقۇمىق القابى 2,5 ەسەگە (1,7 - 4,2 مىڭ گا), اسبۇرشاق القابى 41-دەن 54 مىڭ گا-عا ۇلعايدى», — دەدى ق. اقساقالوۆ.
ءوڭىر ديقاندارى 100 مىڭ توننا مينەرالدى تىڭايتقىش ەنگىزدى. جىل سوڭىنا دەيىن تاعى 30 مىڭ توننا ەنگىزىلەدى. جىل باسىنان 35 ملرد تەڭگەگە 1 480 بىرلىك جاڭا تەحنيكا الىندى. ول بىلتىرعى جىلمەن سالىستىرعاندا, تەحنيكا سانى بويىنشا 20 پايىزعا, ال اقشاعا شاققاندا 1,5 ەسە كوپ.
«وبلىسقا 75 مىڭ توننا ارزانداتىلعان ديزەل ءبولىندى. جانار-جاعارماي بويىنشا پروبلەما جوق. استىق ساقتاۋ قويمالارىنىڭ سىيىمدىلىعى 6 ملن 600 مىڭ توننا. بۇل ءوڭىردىڭ قاجەتتىلىگىن تولىق قامتاماسىز ەتىپ وتىر. جالپى, قاجەتتى ءىس-شارالاردىڭ بارلىعى ۋاقىتىندا جانە تولىق اتقارىلدى, بۇل وراق ناۋقانىن بەلگىلەنگەن مەرزىمدە وتكىزۋگە مۇمكىندىك بەرەدى», — دەدى ق. اقساقالوۆ.
قاراعاندى وبلىسىنىڭ اكىمى جەڭىس قاسىمبەك ءداندى داقىلداردى جيناۋ كولەمى 896 مىڭ گەكتاردى قۇراعانىن اتاپ ءوتتى. ونىڭ ىشىندە بيداي 682,8 مىڭ گەكتار, كارتوپ 15,4 مىڭ گەكتار, كوكونىس 3 مىڭ گەكتار جانە مايلى داقىلدار 23,2 مىڭ گەكتاردى قۇرايدى.
«بۇگىندە ءداندى داقىل ەگىستىكتەرى القابىنىڭ 67%-ى جاقسى, 27,5%-ى – قاناعاتتانارلىق, 3%-ى – ناشار (27,3 مىڭ گا) جانە 2,5%-ى (21,3 مىڭ گا) تامىز ايىنىڭ باسىندا بۇرشاق ۇرۋىنا بايلانىستى جارامسىز جاعدايدا. استىق نەگىزىنەن 1,1% (9,6 مىڭ گا) ءسۇتتى, 34,2% (306,6 مىڭ گا) ءسۇتتى بالاۋىز, 54,5% (488,8 مىڭ گا) – بالاۋىز جانە 10,2% (91,1 مىڭ گا) تولىق ءپىسۋ فازاسىندا», — دەدى ج. قاسىمبەك.
بيىلعى 25 تامىزداعى جاعداي بويىنشا 72,9 مىڭ گەكتار القاپ باستىرىلدى (8,1%). بۇل وتكەن جىلمەن سالىستىرعاندا 14 مىڭ گەكتارعا ارتىق. ورتاشا تۇسىمدىلىگى گەكتارىنا 10 تسەنتنەردەن 72,6 مىڭ توننا استىق جينالدى. ەگىن ورۋ جۇمىستارىنا 2 345 استىق ورۋ كومباينى قاتىسۋدا. كۇزگى دالا جۇمىستارىنا بولىنگەن جەڭىلدەتىلگەن ديزەل وتىنى كەستەگە سايكەس تاسىلۋدا. جالپى, وبلىس بويىنشا استىقتىڭ قاجەتتى كولەمىن ساقتاۋعا قامبا جەتكىلىكتى. ىلعالدى استىقتى كەپتىرۋگە قولدا بار كەپتىرگىشتەر دايىندىق ساناتىنا قويىلدى. ەگىن وراعى كۇندەلىكتى باقىلاۋدا.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
