Egov.kz ەلەكتروندىق ۇكىمەت پورتالىنىڭ حالىققا قولجەتىمدىلىگىنە قاراماستان, كەيبىر ازاماتتار بۇرىنعىداي حالىققا قىزمەت كورسەتۋ ورتالىقتارىنا نەمەسە مەملەكەتتىك ورگاندارعا جۇگىنۋ ارقىلى مەملەكەتتىك قىزمەتتەردى قاعاز تۇرىندە الۋدى ءجون كورەدى.
مەملەكەتتىك قىزمەتتەردى قاعاز تۇرىندە الۋدىڭ نەگىزگى سەبەپتەرى ازاماتتاردىڭ مەملەكەتتىك قىزمەتتەردى ەلەكتروندى فورماتتا الۋ مۇمكىندىگى تۋرالى حاباردار جانە مەملەكەتتىك قىزمەتتەردى ەلەكتروندى فورماتتا الۋ داعدىلارىنىڭ بولماۋى, ياعني تسيفرلى ساۋاتتىلىقتىڭ تومەندىگى بولىپ سانالادى. وسىعان بايلانىستى, ۆولونتەرلەر جىلى اياسىندا الماتى وبلىسىندا ەلەكتروندى مەملەكەتتىك قىزمەتتەر مەن ءموبيلدى قوسىمشالاردى ناسيحاتتاۋ ماقساتىندا مەملەكەتتىك قىزمەت ىستەرى اگەنتتىگى الماتى وبلىسى بويىنشا دەپارتامەنتىنىڭ باستاماسىمەن الماتى وبلىسى جاستار ساياساتى ماسەلەلەرى باسقارماسىنىڭ جانە «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق الماتى وبلىسى بويىنشا فيليالىنىڭ قولداۋىمەن «Egov جارشىسى» جوباسى ىسكە اسىرىلۋدا.
جوبانىڭ نەگىزگى مىندەتى – وبلىس حالقىنىڭ 80%-دان استامىن مەملەكەتتىك قىزمەتتەردى ەلەكتروندى فورماتتا الۋ بويىنشا وقىتۋ جانە ءتۇسىندىرۋ ءىس-شارالارىمەن قامتۋ جانە وزىنە-ءوزى قىزمەت كورسەتۋ بۇرىشتارىن ناسيحاتتاۋ.
جۋىردا ونلاين-كەڭەس اياسىندا تالدىقورعان قالاسى, قاراساي, جامبىل, ىلە جانە تالعار اۋداندارىنىڭ ىشكى باقىلاۋ قىزمەتتەرى «ZOOM» باعدارلاماسى ارقىلى ەرىكتىلەردىڭ قىزمەتى تۋرالى ەسەپ بەردى. بىرقاتار ەرىكتى ازاماتتارعا كەڭەس بەرۋ جانە ادىستەمەلىك كومەك كورسەتۋ اياسىندا كەيستەر تۋرالى ايتىپ, ولاردىڭ قىزمەتىن جاقسارتۋ بويىنشا ۇسىنىستار ەنگىزدى.
