ولار ءوز ەمحاناسىنا نەمەسە ءوز بەتىنشە Qoldau 24/7 ءموبيلدى قوسىمشاسى ارقىلى جۇگىنە الادى. وسىلايشا, حالىقتىڭ جەڭىلدىك ساناتى بار وكىلدەرىنىڭ جۇيەدەگى ساقتاندىرۋ مارتەبەسىنە قاتىستى تۋىنداعان ماسەلەلەرى جەدەل شەشىمىن تابادى, پاتسيەنت مەديتسينالىق قىزمەتتەرگە قول جەتكىزە الادى», دەيدى «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالى ديرەكتورىنىڭ ورىنباسارى ايناگۇل داۋلەتشينا.
پاتسيەنت مەديتسينالىق ۇيىمعا بارعان كەزدە مەديتسينالىق مەكەمە قىزمەتكەرى پاتسيەنتتىڭ راستايتىن قۇجاتىن سكانەرلەيدى (سۋرەتكە تۇسىرەدى) جانە ونى «Qoldau 24/7» ءموبيلدى قوسىمشاسى ارقىلى امسق-عا جىبەرەدى. قور پاتسيەنتكە 1 ايعا مارتەبە بەرەدى, وعان ءتيىستى حابارلاما جىبەرىلەدى.
ءدال وسىلاي جەڭىلدىك ساناتىنداعى ازامات تا App Store جانە Play Market-تە «Qoldau 24/7» ءموبيلدى قوسىمشاسىن جۇكتەۋ ارقىلى مۇنى ءوز بەتىنشە رەسىمدەي الادى. جەڭىلدىك ساناتىنا قاتىستىلىعى تۋرالى راستايتىن قۇجاتتى جۇكتەپ الىپ, امسق-عا جىبەرۋ قاجەت. قور ءوتىنىش بەرۋشىگە 1 ايعا مارتەبە بەرەدى جانە ءتيىستى حابارلاما جىبەرەدى.
ازاماتتار ساقتاندىرۋ مارتەبەسىن امسق-نىڭ fms.kz رەسمي سايتى, Qoldau 24/7 موبيلدىك قوسىمشاسى, Telegram-داعى Saqtandyru-bot ارقىلى تەكسەرۋ قاجەت. بارلىق جۇيە دۇرىس جانە ايقىن جۇمىس ىستەيدى.
«ازاماتتارعا ارنالعان ۇكىمەت» مەملەكەتتىك كورپوراتسياسى ايىنا ەكى رەت الەۋمەتتىك مەديتسينالىق ساقتاندىرۋ قورىنا جەڭىلدىك ساناتىنداعى ازاماتتار بويىنشا جاڭارتىلعان دەرەكتەر بازاسىن ۇسىنادى. تۇراقتى ساقتاندىرۋ مارتەبەسىن راستاۋ ءۇشىن 1414 ءنومىرى بويىنشا مەملەكەتتىك كورپوراتسياعا حابارلاسۋ قاجەت.
سونداي-اق تولەمدەردىڭ بولۋى نەمەسە بولماۋى, قايتارىلعان تولەمدەر تۋرالى اقپاراتتى https://egov.kz «ەلەكتروندى ۇكىمەت» پورتالىنان الۋعا بولادى. ول ءۇشىن «مەديتسينالىق قىزمەتتەردى تۇتىنۋشى رەتىندە قاتىسۋ تۋرالى جانە مىندەتتى الەۋمەتتىك مەديتسينالىق ساقتاندىرۋ جۇيەسىندەگى اۋدارىمداردىڭ جانە (نەمەسە) جارنالاردىڭ اۋدارىلعان سومالارى تۋرالى اقپارات بەرۋ» ەلەكتروندىق مەملەكەتتىك قىزمەتىنە تاپسىرىس بەرەدى.
