نەگىزگى تەراپەۆتىك باعىتتار: ونكولوگيا, گاستروەنتەرولوگيا جانە يممۋنولوگيا, نەۆرولوگيا جانە گەنەتيكالىق اۋرۋلار. ماقساتتى ينۆەستيتسيالار قان پلازماسى ۆاكتسينالارى مەن پرەپاراتتارىن ازىرلەۋدە دە جۇزەگە اسىرىلادى. كۇشتى يننوۆاتسيالىق عىلىمي-زەرتتەۋ پلاتفورماسى كومپانياعا سەرپىندى يننوۆاتسيالىق تەحنولوگيالارعا نازار اۋدارىپ, وسى باعىتتارداعى ونىمدەردىڭ جاھاندىق پورتفەلىن دامىتۋدى جالعاستىرۋعا مۇمكىندىك بەرىپ وتىر. بيزنەستىڭ نەگىزگى باعىتتارى Takeda جاھاندىق كومپانياسىنىڭ جىلدىق جيىنتىق كىرىسىن قالىپتاستىرۋعا ۇلكەن ۇلەس قوسقان.
«تاكەدا قازاقستان» جشس (Takeda) بيوفارماتسەۆتيكالىق كومپانياسى قازاقستان رەسپۋبليكاسىندا «باكسالتا قازاقستان» جشس-نە (Shire) قوسىلۋ جولىمەن قايتا ۇيىمداستىرۋدىڭ زاڭدى پروتسەسىنىڭ اياقتالعانى تۋرالى حابارلادى. قايتا ۇيىمداستىرۋ ناتيجەسىندە «باكسالتا قازاقستان» جشس ءوز قىزمەتىن توقتاتتى جانە «تاكەدا قازاقستان» جشس كومپانياسى بارلىق مىندەتتەمەلەر بويىنشا ونىڭ قۇقىقتىق مۇراگەرىنە اينالدى. اتالعان وزگەرىستەر بىرلەسكەن Takeda كومپانياسىن قالىپتاستىرۋ پروتسەسىن تەزدەتەدى, الايدا شىعارىلاتىن دارىلىك زاتتاردىڭ ءوندىرىس پروتسەسىنە, ساپاسىنا, تيىمدىلىگى مەن قاۋىپسىزدىگىنە ەش اسەر ەتپەيدى.
«Shire جانە Takedaنىڭ زاڭدىق بىرىگۋ ءراسىمىنىڭ اياقتالۋى قول قويىلعان جانە كەلەسىمسوز ۇستىندەگى شارتتار, سەرىكتەستىك جانە وزگە دە كەلىسىم-شارتتار بويىنشا كومپانيانىڭ وزىنە قابىلداعان مىندەتتەمەلەرىن ورىنداۋدى جەڭىلدەتەدى. ءبىز دەنساۋلىق ساقتاۋ جۇيەسىنىڭ سەنىمدى سەرىكتەسى بولۋعا تىرىسامىز. كومپانيانىڭ قايتا ۇيىمداستىرىلۋى قازاقستاننىڭ فارماتسەۆتيكالىق نارىعىنداعى Takeda-نىڭ جەتەكشى ورنىن نىعايتىپ, قازاقستاندىق پاتسيەنتتەر ءۇشىن يننوۆاتسيالىق تەراپياعا قولجەتىمدىلىكتى جەدەلدەتەتىنىنە سەنىمدىمىز», - دەيدى «تاكەدا قازاقستان» جشس ديرەكتورىنىڭ مىندەتىن اتقارۋشى سابيرا سالىحوۆا.
2019 جىلدىڭ قاڭتارىندا جاريالانعان Takeda كومپانيالار توبىنىڭ Shire كومپانيالار توبىن ساتىپ الۋ تۋرالى كەلىسىمى Takeda-عا الەمدەگى توپ-10 فارماتسەۆتيكالىق كومپانيالاردىڭ قاتارىنا كىرۋگە جانە عىلىمي ازىرلەمەلەرگە نازار اۋدارا وتىرىپ, بيوفارماتسەۆتيكالىق كوشباسشىعا اينالۋعا مۇمكىندىك بەردى.
بىرىگۋ ارقىلى Takeda ءوزىنىڭ گەوگرافيالىق بولمىسىن كەڭەيتتى جانە جاپونيا مەن اقش-تا جەتەكشى ورىنعا يە بولدى. ەندى 50 000 جوعارى بىلىكتى قىزمەتكەرلەردىڭ قولداۋىمەن كومپانيانىڭ الەمنىڭ 80-نەن استام ەلى مەن ايماقتارىنا يننوۆاتسيالىق دارىلىك زاتتاردى جەتكىزۋگە مۇمكىندىگى بار.
Takeda Pharmaceutical Company Limited (بۇدان ءارى – Takeda) كومپانيانىڭ جانە ونىڭ عىلىمي-زەرتتەۋ قىزمەتىنىڭ قۇندىلىقتارىنا نەگىزدەلگەن, شتاب-پاتەرى جاپونيادا ورنالاسقان بيوفارماتسەۆتيكالىق پرەپاراتتاردى ءوندىرۋ سالاسىنداعى الەمدىك كوشباسشى بولىپ تابىلادى. كومپانيا عىلىمي جەتىستىكتەرىن جوعارى يننوۆاتسيالىق پرەپاراتتارعا ترانسفورماتسيالاۋ ارقىلى پاتسيەنتتەردى ەمدەۋدە جوعارى ناتيجەلەرگە قول جەتكىزگەن.
اتالعان ۇيىم ەمدەۋدىڭ جاڭا نۇسقالارىنىڭ شەكاراسىن كەڭەيتىپ, جاڭا ءتيىمدى ونىمدەردى جاساۋ ءۇشىن عىلىمي ازىرلەمەلەر بولىمشەسىن (R&D) پايدالانا وتىرا, ادامداردىڭ ءومىرىن وزگەرتۋگە كومەكتەسەتىن جوعارى يننوۆاتسيالىق دارىلىك پرەپاراتتاردى جاساۋعا دەن قويعان.
