وسىعان وراي بارلىق نيەت بىلدىرۋشىلەر, ونىڭ ىشىندە عالىمدار, سالا ساراپشىلارى, تۋريستىك قوعامداستىق وكىلدەرى, قوعام قايراتكەرلەرى مەن ەكو-بەلسەندىلەر قوعامدىق كەڭەستىڭ قۇرامىنا ەنە الاتىنىن ەكولوگيا مينيسترلىگى الدىن-الا حابارلايدى.
جاڭادان قۇرىلاتىن كەڭەس اتالعان جوبانى قوعامدىق مونيتورينگىلەۋگە قاتىساتىن بولادى. بارلىق مۇددەلى تۇلعالارعا بەلگىلەنگەن فورماعا سايكەس 2020 جىلدىڭ 3 قىركۇيەگىنە دەيىن ەلەكتروندىق پوشتاعا جەكە باسى تۋرالى مالىمەتتەردى جولداۋلارى ءتيىس.
ايتا كەتەيىك, 2020 جىلدىڭ 21 تامىزىندا «شارىن» ۇلتتىق پاركى قاراماعىندا ەكوتۋريزمدى دامىتۋ تۇجىرىمداماسى تانىستىرىلدى. نيەت ءبىلدىرۋشى ازاماتتار تۇجىرىمدامانىڭ تولىق نۇسقاسىمەن قر ەكولوگيا, گەولوگيا جانە تابيعي رەسۋرستار مينيسترلىگىنىڭ, قر ەگترم ورمان جانە جانۋارلار الەمى كوميتەتىنىڭ جانە "شارىن" ۇلتتىق پاركىنىڭ سايتتارىندا تانىسا الادى.
اتالعان تۇجىرىمداما تۋرالى ۇسىنىستار مەن ەسكەرتۋلەر e.muratov@ecogeo.gov.kz ەلەكتروندىق پوشتاسى ارقىلى قابىلدانادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
