قوعام • 24 تامىز، 2020

42 500 تەڭگەنى 2،3 ملن-نان استام قازاقستاندىق الدى

26 رەت كورسەتىلدى

24 تامىز ساعات 09.00-دەگى جاعداي بويىنشا وسى جىلدىڭ شىلدە ايىندا شەكتەۋ شارالارىن ەنگىزۋگە بايلانىستى تابىسىنان ايىرىلعان جاعدايدا مەملەكەتتىك الەۋمەتتىك ساقتاندىرۋ قورىنان (بۇدان ءارى – ماسق) بىرجولعى تولەم تاعايىنداۋعا ازاماتتاردان 2 ملن 589 مىڭنان استام بىرەگەي ءوتىنىش قابىلداندى، تولەم مولشەرى ەڭ تومەنگى جالاقىعا – 42 500 تەڭگەگە تەڭ. تولەمدى 2 ملن 376،8 مىڭ قازاقستاندىق الدى، ونىڭ ىشىندە 2 ملن 368،2 مىڭ ادام تامىز ايىندا كارانتيننىڭ ۇزارتىلۋىنا بايلانىستى 0،5 ەتج – 21 250 مىڭ تەڭگە مولشەرىندە قوسىمشا اقى الدى. بۇل تۋرالى ەڭبەك مينيسترلىگىنىڭ ءباسپاسوز قىزمەتىنە Egemen.kz سىلتەمە جاساي وتىرىپ حابارلايدى.

وسى باعىتتاعى جۇمىس جالعاسۋدا. ماسق-تان تولەم الۋعا وتىنىمدەر بىرنەشە ارنالار ارقىلى قابىلدانادى. 2 ملن 589 مىڭنان استام ءوتىنىمنىڭ ىشىندە:

– 834،5 مىڭ ادام پرواكتيۆتى فورماتتا تولەم تاعايىنداۋعا كەلىسىم بەرگەن;

– 679،5 مىڭ ادام Egov.kz پورتالى جانە telegram-بوتتار ارقىلى;

– 410،3 مىڭ ادام 42500.enbek.kz پورتالى ارقىلى;

– 664،5 مىڭ ادام ەكىنشى دەڭگەيدەگى بانكتەردىڭ موبيلدىك قوسىمشالارى مەن ينتەرنەت-رەسۋرستارى ارقىلى;

– 0،4 مىڭ ادام شتابتار ارقىلى ءوتىنىش بەرگەن.

ازاماتتاردىڭ ساناتتارى بولىنىسىندە:

– 834،5 مىڭ ءوتىنىش بىرىڭعاي جيىنتىق تولەم تولەۋشىلەردەن كەلگەن (پرواكتيۆتى فورماتتا);

– 263،6 مىڭ ءوتىنىشتى جالدامالى قىزمەتكەرلەرى ءۇشىن جۇمىس بەرۋشىلەر بەرگەن;

– 1 ملن 491،1 مىڭ ءوتىنىش ازاماتتاردىڭ باسقا ساناتتارىنان كەلىپ ءتۇستى (جەكە كاسىپكەرلەر، جەكە پراكتيكامەن اينالىساتىن ادامدار، ازاماتتىق-قۇقىقتىق سيپاتتاعى شارتتار بويىنشا تابىس الاتىن جەكە تۇلعالار). تولەم 2 ملن 382،8 مىڭ ادامعا تاعايىندالدى. اقشالاي قاراجات 2 ملن 376،8 مىڭ قازاقستاندىققا اۋدارىلدى. بۇعان دەيىن حابارلانعانداي، قازاقستان اۋماعىندا كارانتيننىڭ 2 اپتاعا سوزىلۋىنا بايلانىستى ماسق-تان بىرجولعى تولەم الۋشىلارعا 0،5 ەتج – 21 250 تەڭگە مولشەرىندە قوسىمشا اقى تولەنەدى. 2020 جىلدىڭ شىلدەسىندە ماسق-تان بىرجولعى تولەم العان قازاقستاندىقتارعا كارانتيننىڭ ۇزارتىلۋىنا بايلانىستى قوسىمشا اقى اۆتوماتتى تۇردە تاعايىندالادى. قايتا ءوتىنىش بەرۋدىڭ قاجەتى جوق.

كارانتين ۇزارتىلعاننان كەيىن بىرجولعى تولەم تاعايىنداۋعا العاش رەت ءوتىنىش بەرگەن ازاماتتارعا تولەم 1،5 ەتج نەمەسە 63 750 تەڭگە (42 500 + 21 250 تەڭگە) مولشەرىندە تاعايىندالادى. ءوتىنىش قابىلداۋ 2020 جىلدىڭ 1 قىركۇيەگىنە دەيىن جالعاسادى.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار