ايماقتار • 24 تامىز، 2020

سەرۆيستىك اكىمدىك كوبەيسە، جەمقورلىق ازايا ما؟

87 رەت كورسەتىلدى

وسىدان بىرنەشە جىل بۇرىن مەملەكەتتىك قىزمەت كورسەتۋ سالاسىنا جاڭالىق بولىپ ەنگەن Open space جوباسى جەتىسۋدا ءوز جالعاسىن تاۋىپ وتىر. العاش رەت قاراتال اۋدانىنداعى ۇشتوبە قالاسىنىڭ اكىمدىگى وسى "اشىق اكىمدىك" فورماتىنا كوشىپ، قىزمەت كورسەتە باستاعان ەدى. قازىر مۇنداي سەرۆيستىك اكىمدىكتەر وبلىستىڭ جەتى اۋدانىندا جۇمىس ىستەپ تۇر، -  دەپ حابارلايدى Egemen.kz.

جالپى، قىزمەت كورسەتۋدى ءبىر ورتالىقتان ءارى اشىق فورماتتا جۇرگىزۋدىڭ وزىق ۇلگىسى رەتىندە قابىلدانعان سەرۆيستىك اكىمدىك اشىلعان اۋداندارداعى جۇمىس ىلگەرى باسقانى بايقالىپتى. ياعني، Open space جوباسى مەملەكەتتىك قىزمەت سالاسىن تسيفرلاندىرۋ مەن اۆتوماتتاندىرۋعا دا ىقپال ەتىپ وتىر ەكەن. بۇگىندە وبلىس بويىنشا تۇرعىندارعا 170 ءتۇرلى مەملەكەتتىك قىزمەت كورسەتىلسە، 82،9 پايىزى اۆتوماتتاندىرىلعان. ەندى جىل سوڭىنا دەيىن بۇل جۇمىستى 90 پايىزعا جەتكىزۋ مىندەتى تۇر. وڭىرلىك گەواقپاراتتىق جۇيە اياسىندا الماتى وبلىسىندا جەر قاتىناستارى مەن ساۋلەت سالالارىنداعى 21 مەملەكەتتىك قىزمەتتى اۆتوماتتاندىرۋ جۇمىستارى اياقتالۋعا جاقىن. سول سياقتى ءبىلىم مەن سپورت سالالارىنداعى تاعى 12 قىزمەت ءتۇرى دە اۆتوماتتاندىرىلۋدا. تۇرعىن ءۇي-كوممۋنالدىق سالاعا، قوعامدىق كولىك قاتىناسىنا تسيفرلىق جاڭالىقتار ەنگىزۋ ماقساتىندا بىرقاتار جوبالار قولعا الىنۋدا.

اسىرەسە، كارانتين كارانتين كەزەڭىندە قىزمەت تۇرلەرىن تسيفرلاندىرۋعا دەگەن قاجەتتىلىكتىڭ كۇرت وسكەنى بايقالادى. ال مەملەكەتتىك قىزمەت كورسەتۋدى اۆتوماتتاندىرۋ دەڭگەيىنىڭ ءوسۋى بىرنەشە ماسەەلنى شەشپەكشى. ماسەلەن، بۇل ءۇردىس تۇرعىنداردىڭ مەملەكەتتىك قىزمەت الۋداعى ۋاقىتىن ۇنەمدەۋگە اسەر ەتسە، ەكىنشىدەن قىزمەت كورسەتۋدىڭ اشىقتىعىنا، قولجەتىمدىلىگىنە جانە جەمقورلىق فاكتىلەرىنىڭ الدىن الۋعا  دا وڭ ىقپالىن تيگىزبەك. مۇنىڭ يگى اسەرىن سەرۆيستىك اكىمدىكتەر جۇمىس ىستەپ تۇرعان اقسۋ، بالقاش، قاراساي، قاراتال، كوكسۋ، رايىمبەك اۋداندارى مەن تالدىقورعان قالاسىنان بايقاۋعا بولادى. بۇل اۋدانداردا قاجەتتى مەكەمە وكىلدەرىن ءبىر جەرگە شوعىرلاندىرۋ ارقىلى قىزمەت الۋدى جەڭىلدەتۋگە مۇمكىندىك جاسالعان. بارلىق مەملەكەتتىك ورگاننىڭ وكىلدەرى Open space ادىسىمەن اشىق كابينالاردا وتىرىپ، قابىلداۋ جاسايدى. جاقىندا وسىنداي ورتالىق ىلە اۋدانىندا دا اشىلدى. ال جىل سوڭىنا دەيىن بارلىق اۋدان ورتالىقتارىندا سەرۆيستىك اكىمدىك جۇمىسى ىسكە قوسىلاتىن بولادى.

جالپى، سەرۆيستىك اكىمدىكتەردىڭ جۇمىسى جاندانسا، مەملەكەتتىك قىزمەت سالاسىنداعى جەڭۇشىنان جالعاسۋ تاۋەكەلىنىڭ تومەندەيتىنى بايقالعان. بۇعان ماماندار مەملەكەتتىك قىزمەتشىلەر اراسىنداعى جەمقورلىق فاكتىلەرىن زەردەلەۋ بارىسىندا كوز جەتكىزگەن ەكەن. ياعني، سىبايلاس جەمقورلىقتىڭ الدىن الۋعا Open space جوباسى ءوز اسەرىن تيگىزەدى دەگەن سەنىم بار.

"قازىر الماتى وبلىسىنىڭ اۋماعىندا 7 سەرۆيستىك اكىمدىك بار. الايدا بۇل رەسپۋبليكا بويىنشا تومەنگى كورسەتكىش. سوندىقتان وسىنداي اكىمدىكتەردىڭ بارلىق اۋدان-قالالاردا اشىلۋىنا مۇددەلىمىز.بۇل قىزمەتشىلەر اراسىنداعى جەمقورلىق تاۋەكەلىن بولدىرماۋعا جول اشادى. ونىڭ ۇستىنە، مەكەمەلەرگە كىرۋ شەكتەلگەن قازىرگىدەي كەزەڭدە ءار جەرگە جۇرىگىپ جۇرمەي، مەملەكەتتىك قىزمەتتەردى ءبىر جەردەن الاتىن وسىنداي سەرۆيستىك اكىمدىكتەر حالىققا اسا قاجەت"، - دەيدى سىبايلاس جەمقورلىققا قارسى قىزمەتتىڭ الماتى وبلىسى بويىنشا دەپارتامەنتىنىڭ باسشىسى ەرنار ماقاجانوۆ.

ايتپاقشى، جىل باسىنان بەرى سىبايلاس جەمقورلىققا قارسى قىزمەت 137 قۇقىق بۇزۋشىلىقتى انىقتاعان. تىركەلگەن قىلمىستىڭ 75،2 پايىزى ياعني، 103 زاڭ بۇزۋشىلىق سىبايلاس جەمقورلىق سيپاتىنداعى قىلمىسقا جاتادى. ال وسى مەرزىم ىشىندە سىبايلاس جەمقورلىق ارەكەتتەرىنە بارعانى ءۇشىن 87 مەملەكەتتىك قىزمەتشى قىلمىستىق جاۋاپقا تارتىلعان. وكىنىشكە قاراي، ولاردىڭ قاتارىندا جەرگىلىكتى اتقارۋشى ورگان قىزمەتكەرلەرىنىڭ ۇلەسى كوپ بولىپ وتىر.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار