«ەل استاناسىنان فرانكفۋرت قالاسىنا بەت العان, 94 جولاۋشى مىنگەن ۇشاق – ناۋرىزدان كەيىنگى قازاقستان مەن گەرمانيا اراسىنداعى العاشقى تىكەلەي باعىت. جولاۋشىلار ۇشاققا مىنبەستەن بۇرىن 48 ساعات ىشىندە Covid-19 ۆيرۋسىنا تەست تاپسىرۋى ءتيىس. نەمەسە گەرمانيا بارعاننان كەيىن 72 ساعات ىشىندە كوروناۆيرۋسقا تەست تاپسىرۋى مىندەتتى», دەيدى سينحۋا.
قازاقستاندا ەنگىزىلگەن ەكىنشى لوكداۋندى جەڭىلدەتۋ اياسىندا حالىقارالىق اۋە قاتىناستارىن بىرتىندەپ قالپىنا كەلتىرۋ كوزدەلگەن. اگەنتتىك دەمالىس كۇندەرى كارانتيندىك تالاپتار قايتا كۇشەيتىلەتىنىنە دە نازار اۋدارعان.
«قازاقستان 5 شىلدەدە كوروناۆيرۋس پەن پنەۆمونيا كۇرت كوبەيگەننەن كەيىن ەكىنشى مارتە لوكداۋن جاريالاعان ەدى. دەنساۋلىق ساقتاۋ ءمينيسترىنىڭ حابارلاۋىنشا, قازىرگى تاڭدا ەلدەگى ەپيدەميالىق جاعداي تۇراقتالعان. ونىڭ ۇستىنە, تامىز باستالعالى اۋرۋحاناداعى ورىندار بوساعان.
بۇگىنگە دەيىن قازاقستاندا 103300 ادامنىڭ كوروناۆيرۋسپەن اۋىرعانى انىقتالدى. سولاردىڭ 84445-ءى جازىلىپ شىقسا, 1415 ناۋقاس كوز جۇمدى. تامىزدان باستاپ Covid-19-عا سيمپتومدارى ۇقسايتىن 18673 پنەۆمونيا تىركەلىپ, 220 ادام قازا تاپتى», دەلىنگەن سينحۋا تاراتقان جاڭالىقتا.
