وسى ماقساتتار ءۇشىن الاتاۋ اۋدانىنىڭ نۇركەنت شاعىن اۋدانىندا (اتلەتيكالىق اۋىل) قالا حالقىن جۇمىسپەن قامتۋ ورتالىعى, اتامەكەن ۇكپ جانە ءموبيلدى جۇمىسپەن قامتۋ ورتالىعىمەن بىرلەسىپ ۇيىمداستىرىلعان جاستار رەسۋرستىك ورتالىعى قىزمەت ەتۋدە.
18 تامىزدان بەرى الاتاۋ اۋدانىنىڭ جاستار رەسۋرستىق ورتالىعىنىڭ بازاسىندا ءموبيلدى جىلجىمالى پۋنكت قىزمەت ەتەدى, وندا جاستار جۇمىسقا تۇرۋ سۇراقتارى بويىنشا كەڭەس الا الادى.
الماتى قالاسى الاتاۋ اۋدانى اكىمىنىڭ ورىنباسارى اسەل بيسەنباەۆا حابارلاعانداي, اتالعان پۋنكتتە اۋدان تۇرعىندارىنا جۇمىسقا تۇرۋ, گرانتتار تۋرالى اقپارات الۋ, بارلىق باعدارلامالار جونىندە كەڭەس بەرۋ تۇرىندە قولداۋ كورسەتىلەدى.
وسى جىلدىڭ 3 شىلدەسىنەن باستاپ الماتىدا جاستار رەسۋرستىق ورتالىعى ءوز جۇمىسىن باستادى. 18 تامىزدان باستاپ, ورتالىق بازاسىندا قالانىڭ بارلىق اۋداندارىندا ءموبيلدى جىلجىمالى پۋنكت جۇمىس ىستەيدى. وندا جاستار جۇمىسقا ورنالاسۋ ماسەلەلەرى بويىنشا كەڭەس الا الادى.
"جاستار يننوۆاتسيالىق جانە شىعارماشىلىق الەۋەتكە يە حالىقتىڭ بەلسەندى توبى, الايدا ءوز جاستارىنىڭ كۇشىنە قاراماي وسى نەمەسە باسقا سالالاردا كاسىبي قىزمەتتە تاجىريبەلەرى جەتكىلىكسىز بولىپ جاتادى. سول سەبەپتى جۇمىسقا تۇرۋ, جاستاردىڭ ەڭبەك نارىعىندا كاسىبي تۇرعىدا باسەكەگە قابىلەتتىلىكتەرىن قولداۋ جانە دامىتۋ ماسەلەلەرى ماڭىزدى جانە ستراتەگيالىق باسىمدىق بولىپ تابىلادى", دەپ اتاپ ءوتتى ءا. بيسەنباەۆا.
"الماتى قالاسىنىڭ اكىمدىگى حالىقتى, ونىڭ ىشىندە جاستاردى جۇمىسپەن قامتۋ ماسەلەلەرىن شەشۋگە ەرەكشە كوڭىل بولەدى. جاستار حالىقتىڭ ەكونوميكالىق بەلسەندى بولىگى بولىپ تابىلادى. شىعارماشىلىق الەۋەتكە يە, بىراق ءوز جاسىنا بايلانىستى پراكتيكالىق تاجىريبەسى جوق. سوندىقتان جۇمىسقا ورنالاستىرۋ, جاستاردىڭ ناقتى قابىلەتتەرىن دامىتۋ ماسەلەسى ماڭىزدى ستراتەگيالىق باعىت بولىپ تابىلادى. ول ءۇشىن "ەڭبەك" مەملەكەتتىك باعدارلاماسى اياسىندا جوعارى جانە ورتا وقۋ ورىندارىنىڭ تۇلەكتەرىنە العان ماماندىقتارى بويىنشا پراكتيكالىق تاجىريبە الۋعا مۇمكىندىك بەرەدى", دەدى ا.بيسەنباەۆا.
ونىڭ ايتۋىنشا, بۇل جەردە "جاستار تاجىريبەسى" باعدارلاماسى ماڭىزدى ورىندا. اتالعان باعدارلاما اياسىندا جوعارعى وقۋ ورىندارىن بىتىرگەن تۇلەكتەردىڭ العان ماماندىقتارى بويىنشا پراكتيكالىق تاجىريبە الۋلارى ءۇشىن ايتارلىقتاي جۇمىستار جۇرگىزىلۋدە.
الاتاۋ اۋدانىندا 5 كۇنگى جۇمىس كەزىندە جاستاردىڭ جۇمىسقا ورنالاسۋى بويىنشا جىلجىمالى پۋنكتكە 200-دەن استام ادام كەلگەن. بارلىعىنا ءتۇسىندىرۋ جۇرگىزىلگەن, ولاردىڭ ناتيجەسى بويىنشا 85 ادام قوعامدىق جۇمىستارعا ورنالاسۋعا تىلەك بىلدىرگەن, جانە 50-گە جۋىعى جاستار تاجىريبەسىنە جولداما الۋ ءۇشىن جۇمىسپەن قامتۋ ورتالىعىنا بارعان. جالپى, الاتاۋ اۋدانىندا جىل باسىنان بەرى جۇمىسپەن قامتۋ ورتالىعى ارقىلى 2500-دەن استام جۇمىسقا ورنالاسقان, سونىڭ ىشىندە جاستار تاجىريبەسىنە.
"جاستار پراكتيكاسىنا ديپلومى بار جاسى 29-عا دەيىنگى جانە وقۋ ورنىن سوڭعى ءۇش جىل كولەمىندە بىتىرگەن ازاماتتار قاتىسا الادى. جاس ماماندار تاجىريبەنى وندىرىستە, مەملەكەتتىك ورگانداردا, قارجىلىق قۇرىلىمداردا, ءبىلىم بەرۋ جانە مەديتسينا ۇيىمدارىندا الا الادى", دەپ تولىقتىردى ءا. بيسەنباەۆا.
