ەكى اقىن دا الدىنا قارا سالماي قاتارلاسىپ شاۋىپ جاراسىمدى, تارتىستى ايتىس كورسەتتى. تىكەلەي ەفير ارقىلى وتكەن ايتىسقا 2000- نان استام ادام داۋىس بەردى. جاس اقىنداردىڭ ارىنى مەن قارىمىنا رازى بولعان ءجۇرسىن ەرمان ەكى اقىنعا دا الداعى رەسپۋبليكالىق اقىندار ايتىسىنا جولداما بەردى.
سونىمەن ايتىس قورىتىندىسىنا سايكەس اقتىق سىنعا شىققان ەكەۋدەن باسقا نۇريسلام ءابدىل – 2-ءشى, مۇحاممەد قونقاي – 3-ءشى ورىندى يەلەندى.
ايتىس سوڭىندا وڭىرىمىزگە كەلگەن قۇرمەتتى قوناعىمىز ءجۇرسىن ەرمانعا م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ "قۇرمەتتى پروفەسسورى" دەگەن عىلىمي كۋالىك تابىستالدى.
جۇلدەگەرلەرگە وبلىس اكىمىنىڭ ورىنباسارى عاني ساقتاعانوۆ, وسى ايتىستىڭ دەمەۋشىسى, قىزىلجارلىق اتىمتاي-جومارت جومارت وماروۆ, اقىن قايىرلى عافۋروۆ سىيلىقتارىن تاپسىردى. ايتىستى ۇيىمداستىرىپ, تەر توگىپ جۇرگەن ازامات جارقىن جۇپارحان ءوزىنىڭ سوزىندە ء«تول ونەردى تورگە وزدىرعان وبلىستىق مادەنيەت باسقارماسى مەن وڭىرلىك تەلە ارنا اكىمشىلىگىنە زور العىسىمىزدى بىلدىرەمن. تەرىسكەيدىڭ ءسوز ۇستاعان اقىردارى مەن ايتىسسۇيەر اقكوڭىل اعايىنعا ايتار العىسىمىز شەكسىز», دەدى.
سولتۇستىك قازاقستان وبلىسى
