قازاقستان • 22 تامىز، 2020

الماتىنىڭ ناۋرىزباي اۋدانىندا دەمالىس كۇندەرى قانداي نىساندار جۇمىس ىستەمەيدى؟

7 رەت كورسەتىلدى

الماتى قالاسىنىڭ باس مەملەكەتتىك سانيتارلىق دارىگەرىنىڭ 2020 جىلعى 15 تامىزداعى №56 قاۋلىسىنا سايكەس، ناۋرىزباي اۋدانىندا الداعى دەمالىس كۇندەرى ساۋدا ۇيلەرىنىڭ، ءسان سالوندارىنىڭ، شاشتارازداردىڭ، قوعامدىق مونشالاردىڭ، ساۋنالاردىڭ جانە فيتنەس ورتالىقتاردىڭ جۇمىسى توقتاتىلادى. قوعامدىق كولىكتەر دە ءوز جۇمىسىن توقتاتپاق، دەپ حابارلايدف Egemen.kz.

ناۋرىزباي اۋدانى اۋماعىندا 2 ساۋدا ءۇيى (ەيكوس، گلومارت)، 6 فيتنەس ورتالىق (Hardway، Taufit جانە ت.ب.)،4 باسسەين (Gold Coast، Y-Fit جانە ت.ب.)، 36 مونشا مەن ساۋنا، 43 ءسان سالونى مەن شاشتارازدار ورنالاسقان.
22-23 تامىز كۇندەرى جوعارىدا اتالعان نىساندار جۇمىس ىستەمەيدى. قىزمەتىن توقتاتقان بارلىق نىسانداردا سانيتارلىق-پروفيلاكتيكالىق جانە ەپيدەمياعا قارسى سانيتارلىق شارالار جۇرگىزىلەدى.

ناۋرىزباي اۋدانىنىڭ پوليتسيا قىزمەتكەرلەرىمەن حالىق كوپ جينالاتىن ورىنداردا ەنگىزىلگەن شەكتەۋلەردىڭ ساقتالۋى بويىنشا پاترۋلدەۋ كۇشەيتىلەدى.

اۋدان بيلىگى تۇرعىنداردى جاعدايعا تۇسىنىستىكپەن قاراپ، اسىرەسە قوعامدىق ورىنداردا ساقتىق شارالارىن، سانيتارلىق تالاپتاردى ساقتاۋعا شاقىردى.

سوڭعى جاڭالىقتار

ۇقساس جاڭالىقتار